Charter Document - 06461066

Antonius permissione divina Dunelmensis episcopus dilectis in Christo filiis officiali suo Dunelmensi et Hugoni de Boulton rectori ecclesie de Brauncepath salutem cum benediccione et gracia salvatoris Auctoritate pontificali qua fungimur vobis coniunctim in virtute sancte obediencie qua nobis indubitanter estis astricti et sub pena districcionis canonice firmiter iniungendo mandamus quatinus omnes illos qui maleciose scienter et iniuste perturbant violant vel infringunt aut excogitata malicia perturbare violare vel infringere moliuntur seu quomodo libet machinantur iura libertates iurisdicciones vel possessiones episcopi [et] eciam ecclesie Dunelmensis et quoscumque malivolos conspiratores in hac parte clam vel palam una cum suis actoribus fautoribus et complicibus universis et cuiuscumque fuerint condicionis dignitatis seu status in ecclesia nostra Cathedrali predicta necnon in singulis aliis regularibus collegiatis et parochialibus ecclesiis et capellis tocius nostre dioecesis singulis diebus dominicis et festivis usque ad solemnitatem festi Pentecostes proximo subsequentem ipso facto in genere excommunicatos esse pulsatis campanis accensis candelis et extinctis solempniter et publice quando maior aderit cleri et populi multitudo seu concursus per vos aut per alias nuncietis et faciatis diligenter et fideliter nunciari Diem vero recepcionis presencium et quid super execucione huiusmodi mandati nostri feceritis nobis infra octo dies post festum Pentecostes antedictum proximum numerandos per vestras patentes litteras harum seriem continentes sine tarditate qualibet sub pena superius memorata fideliter rescribatis Bene valete