Charter Document - 06461008

Universis presentes litteras visuris vel audituris A permissione divina Dunelmensis episcopus et frater Hugo prior Dunelmensis ac eiusdem loci conventus ordinis sancti Benedicti salutem in domino sempiternam Noverit universitas vestra nos unanimi consensu et voluntate pro nobis ecclesia nostra et successoribus nostris ac pro magnis et gravibus necessitatibus nostris et ecclesie nostre predicte mutuo recepisse et habuisse integraliter in pecunia numerata a Restauro Boneaventure Simone Gerardi et Chine Vesii sociis civibus et mercatoribus Florentinis mutuantibus et numerantibus atque recipientibus tam pro se quam pro domino Thoma Spiliati Lapo Hugonis de Spinis Nero Cambii Johanne Bentaviegne Gerardo de Bosculis et aliis sociis et concivibus suis de societate Mozozorum de Florencia quatuor mille libras bonorum novorum et legalium sterlingorum de quibus nos bene protestamur esse contentos et pacatos ac ipsas in usus et utilitatem nostram et ecclesie nostre predicte bona fide confitemur legitime esse conversas Quas quatuor mille libras sterlingorum vel pro precio et cambio earumdem mille et quadringentarum librarum grossorum turonensium argenti quilibet nostrum in solidum promittimus et tenemur per legitimam stipulacionem bona fide et in verbo veritatis reddere numerare et liberare predictis mercatoribus vel eorum uni seu eorum aut unius eorum nuncio vel procuratori aut cuicumque seu quibuscumque iidem mercatores vel eorum aliquis pecuniam predictam citra mare vel ultra dare vendere vel assignare voluerint seu ad hoc assignatorum vel assignati certo attornato locis terminis modo et forma subscriptis videlicet apud Novum Templum London in festo nativitatis sancti Johannis Baptiste anno domini MCC Octogesimo Nono mille libras sterlingorum vel ab illo die in duos menses continue computandos in domo auditoris Camere domini pape in Curia Romana tres centis et quinquaginta libras grossorum turronensium argenti et in predicto festo sancti Johannis Baptiste anno domini MCC Nonagesimo apud Novum Templum London mille libras sterlingorum vel ab illo die in duos menses continue computandos in domo auditoris Camere domini pape in Curia Romana tres centis et quinquaginta libras grossorum turonensium argenti et in predicto festo sancti Johannis Baptiste anno domini MCC Nonagesimo primo apud Novum Templum London mille libras sterlingorum vel ab illo die in duos menses sicut prius continetur usque istud verbum argenti et in eodem festo sancti Johannis Baptiste anno domini MCC Nonagesimo secundo apud Novum Templum London sicut prius usque ad istud verbum argenti fideliter et sine ulteriori dilacione Concedimus etiam predictis mercatoribus et eorum cuilibet in solidum ac eorum seu unius eorum certis assignatis vel assignato liberum arbitrium petendi et recipiendi a nobis et quolibet nostrum in solidum predictam [pecuniam] ad terminos antedictos et eorum quemlibet vel apud Novum Templum London in sterlingis ut predictum est vel in Curia Romana in grossis turronensibus argenti prout sibi melius viderint expedire Pro quibus omnibus et singulis antedictis firmiter et fideliter observandis et adimplendis quilibet nostrum in solidum obligamus predictis mercatoribus et eorum unicuique insolidum et quibuscumque seu cuicumque pecuniam predictam dederint vendiderint aut assignaverint ut predictum est nos et quemlibet nostrum in solidum ecclesiam nostram predictam successores nostros et omnia bona nostra ecclesie nostre et successorum nostrorum mobilia et inmobilia ecclesiastica et mundana presencia et futura ubicumque fuerint inventa usque ad plenarium satisfaccionem et observacionem omnium et singulorum premissorum et etiam usque ad integram restitucionem omnium dampnorum interesse et expensarum qui quod quas dicti mercatores vel unus eorum aut eorum seu unius eorum nuncius vel procurator assignati vel assignatus suo simplici verbo tantum sine iuramento vel alterius onere probacionis se dixerint seu dixerit fecisse vel incurrisse occasione dicte pecunie suis locis et terminis in forma predicta non solute que dampna expensas et interesse solvere promittimus eisdem per stipulacionem antedictam et ea nullatenus in sortem supradicti debiti principalis computare vel aliquam partem ipsius debiti racione dictarum expensarum dampnorum et interesse detinere Et expresse volumus et consentimus per nos ecclesiam nostram et successores nostros quod auditor camere domini pape qui pro tempore fuerit vel quicumque alius iudex nos ecclesiam nostram et successores nostros et quemlibet nostrum in solidum ad solucionem et satisfacionem tam pecunie memorate quam dampnorum interesse et expensarum predictarum si in solucionibus predictis vel ipsorum aliqua in toto vel in parte quod absit cessaverimus sine iudicum strepitu per censuram ecclesiasticam libello vel articulo non oblato unica sola monicione premissa possit compellere ac compellat de die in diem cuius iurisdicioni et cohercioni nos ecclesiam nostram et successores nostros specialiter supponimus renunciantes in premissis omnibus et singulis supradictis pro nobis ecclesia nostra [et] successoribus nostris omni iuris auxilio canonici et civilis privilegio clericatus et fori excepcioni non numerate non solute non tradite nobis dicte pecunie et in usus et utilitatem nostram et ecclesie nostre non converse omni consuetudini et statuto regie prohibicioni iudicum convencioni et locorum contradictioni litterarum apostolicarum beneficio restitucioni in integrum novarum constitucionum beneficio epistole divi Adriani exceptioni doli et mali vis metus et fraudis institucioni actioni condiccioni indebite sine causa et ex iniusta causa omni appellacionis remedio omni tempori feriato privilegiis cruce signatis et cruce signandis concessis et concedendis et privilegio Anglicis concesso ne trahantur extra regnum Anglie ad causas per litteras apostolicas iuri revocandi domum omnibus gratiis litteris privilegiis indulgenciis et inmunitatibus nobis ecclesie nostre et ordini nostro a sede apostolica vel a quacumque alia curia impetratis et inpetrandis peticioni copie litterarum presencium peticioni et oblacioni libelli vel articuli et iuri dicenti quod nisi creditores probaverint pecuniam mutuatam in usus et utilitatem ecclesie esse conversam aliter quam per litteras convencionales illam repetere non possint et iuri dicenti generalem renunciacionem non valere seu tenere et omnibus aliis excepcionibus dilatoriis et peremptoriis iuribus cavillacionibus aut defensionibus personalibus seu realibus que de iure vel de facto aliqua racione contra premissa vel eorum aliquid obici possent vel opponi vel que nobis quoquomodo possent prodesse et dictis mercatoribus vel eorum assignatis seu assignato nocere Omnia autem et singula antedicta quilibet nostrum in solidum pro nobis ecclesia nostra et successoribus nostris bona fide et in verbo veritatis attendere observare et efficaciter adimplere promittimus In cuius rei testimonium nos prenominatus A permissione divina Dunelmensis Episcopus presentibus litteris sigillum nostrum apponi fecimus et nos predictus H Prior Dunelmensis et eiusdem loci conventus sigillum commune capituli nostri una cum sigillo ipsius prioris litteris eisdem apposuimus Dat apud Dunelmum publice in capitulo nostro die Sabbati scilicet xxvii die mensis Marcii anno domini MCC Octogesimo octavo