Charter Document - 06460165

Antonius permissione divina sancte Jerosolomitane ecclesie patriarcha et episcopus Dunelmensis dilectis in Christo filiis priori subpriori et tercio priori Monasterii nostri Dunelmensis ac eciam omnibus et singulis prioribus custodibus magistris seu administratoribus cellarum et locorum quorumcumque dicto Monasterio nostro Dunelmensi pertinentium presentibus et futuris salutem graciam et benedictionem Cum nos nuper ut episcopus Dunelmensis auctoritate dioecesana predictum Monasterium nostrum Dunelmensem in capite et membris in personis et rebus sicuti nostro incumbebat officio visitantes quorum dem monachorum eiusdem Monasterii excessus in eadem visitatione compertos per nos et commissarios nostros diversos ad id per nos diversis vicibus deputatos correximus penas et penitencias non condignas set pretermisso rigore nostro et eorum dum commissariorum nostrorum arbitrio misericorditer moderatas dictis monachis pro suis culpis et criminibus et excessibus infligentes prout in premissarum visitationis [et] correctionis actubus et processibus in scriptis redactis quos coram nobis recitatos approbavimus et ratificavimus plenius novimus contineri ac insinuacione clamosa didicerimus iam de novo quod quidem dicti Monasterii monachi mendaciter confingentes nos qui post remissas offensas per eosdem monachos erga nos contractas solam penitenciam preposteracionis seu mutacionis locorum stalli videlicet in choro et consimiliter in refrectorio et aliis locis Monasterii quibus dem de monachis predictis inpositam relaxavimus graciose omnes alias penas et penitencias eisdem monachis pro suis criminibus et excessibus per nos seu prefatos commissarios nostros auctoritate nostra iniunctas ipsis monachis similiter relaxasse sic inpositas ipsis penas et penitencias predictas in damnacionis sue cumulum adimplere contempnunt seu indebite pretermittunt ne ipsi monachi vel alii de cetero excusaciones tales vel consimiles pretendere valeant in peccatis quin pocius eis et ceteris omnibus auferatur cuiuslibet dubietatis materia in hac parte vobis et vestrum cuilibet in virtute sancte obediencie et sub maioris excommunicacionis pena quam in contravenientes proferimus in hiis scriptis firmiter iniungendo mandamus quatenus omnes et singulas penas et penitencias quibuscumque monachis dicti Monasterii Dunelmensis per nos et commissarios nostros predictos in premisse visitacionis nostre correctionibus inpositas vobis fratri Willelmo de Tanfeld priori nostro Dunelmensi per manum magistri Ricardi de Ganyo notarii publici clerici nostri in scriptis alias traditas una cum adiectionibus nostris eisdem per nos nunc factis et subsequenter faciendis servari per omnia plenaria faciatis preter solam penitenciam mutacionis locorum predictorum ut premittitur relaxatam et illam penitenciam panis et aque cuius mitigacionem vobis priori et subpriori Dunelm predictis in infirmitatis vel evidentis necessitatis articulo tantum super quo vestras consciencias oneramus commisimus hac vice de gracia speciali donee a nobis aliud habueritis in mandatis Omnibus eciam et singulis monachis quibus per nos vel commissarios nostros predictos seu nostra auctoritate quacumque pene seu penitencie in prefatis dicte visitacionis nostre correctionibus iniunguntur in virtute obediencie et iuramenti per eos de parendo iuri et stando mandatis ecclesie coram nobis vel dictis commissariis nostris prestiti firmiter precipiendo mandamus et iniungimus per presentes quatenus preter solas penitencias predictas mutacionis locorum relaxatam ut premittitur ac panis et aque per vos priorem [et] subpriorem Dunelmenses moderandam sicuti est predictum omnes et singulas alias penas et penitencias ipsis monachis et eorum cuilibet per prefatos commissarios nostros in dictis correctionum [et] visitationis nostre predicte processibus inpositas et inflictas reverenter subeant ac obedienter faciant et compleant sicut inobediencie ac periurii notam et excommunicacionis sentenciam quam predictis correctionibus nostris resistentes vel non parentes eisdem non est dubium incurrere ac alias penas graviores voluerint evitare Et quia potestatem augendi mutandi et minuendi penas et penitencias in prefatis correctionibus per nos et commissarios nostros predictos prefatis monachis inpositas nobis novimus specialiter reservatam considerantes eciam quod in processu correctionum predictarum certa loca quibus dem monachis a dicto Monasterio Dunelmensi ad tempus amovendis ad penitenciam suam peragendam per dictos commissarios nostros non fuerant deputata nos quod in eorum processu omissum fuerat sup[p]lere volentes et augere certis ex causis quas ut aliquorum parcamus infamie subiciemus ad presens decernimus ordinamus et precipimus quod frater Galfridus de Burdon monachus usque ad cellam de Coldingham infra octo dies postquam iste nostre littere vobis priori vel subpriori Dunelmensi fuerint presentate absque more diffugio per vos priorem vel subpriorem predictos sub tuta custodia mittatur in eodem loco continue moraturus ad penas et penitencias ipsi pro suis commissis per nostros commissarios predictos iniunctas debite peragendas toto tempore ei ad hoc per eosdem commissarios prefinito ita quod ad predictum Monasterium Dunelmense seu alia loca durante termino predicto nullatenus redeat sive vadat nec in ipso Monasterio seu aliis eius cellis interim admittatur nec de quibuscumque officiis dignitatibus seu administracionibus dictorum Monasterii cellarum seu locorum se ali qualiter inmisceat nec aliquibus tractatibus in predictis Monasterio cellis aut locis intersit nec ad premissa admittatur sub pena excommunicacionis maioris quam tam in predictum fratrem Galfridum si supradictis in aliquo contravenerit quam eciam in quoscumque alios qui contra predicta cum ipso communicaverint vel ei consilium vel favorem prestiterint contra ea proferimus in hiis scriptis Volumus insuper et mandamus vobis priori et subpriori Dunelm firmiter iniungentes quatinus prefatum fratrem Galfridum ad cellam de Coldingham predictam celeriter ut premittitur mittentes prioribus custodibus seu administratoribus celle seu loci ipsius presentibus et futuris per vestras patentes litteras omnes et singulas penas et penitencias prefato fratri Galfrido pro suis culpis et demeritis per dictos commissarios nostros inpositas tenorem eciam presencium continentes in virtute obediencie qua nobis et vobis ac Monasterio Dunelmensi tenentur vice et auctoritate nostra et vestra efficaciter iniungatis quod prefatum fratrem Galfridum in cella vel loco prenominato recipiant et custodiant infra scripta eorum dem ac compellant eundem ad inpositas ei penas et penitencias predictas humiliter subeundas et debite peragendas donec a nobis uberiorem graciam meruerit optinere Volumus insuper et decernimus quod si prefatus monachus legitimo inpedimento cessante de iniunctis sibi penis et penitenciis supradictis aliquid pretermiserit quod ex tunc penam duplicem subeat quam per superiores suos continue facere compellatur quod eciam sub penis et censuris predictis dicti loci vel celle priori administratori seu custodi ac aliis quibuscumque monachis nostris Dunelmensibus quamcumque administracionem in prefato loco seu cella habentibus vel infra tempora predicta habituris exequendum iniungimus per presentes Et ut nostra salubris ordinacio et iniunctio supradicta ad honorem dei et animarum salutem ac dicti Monasterii nostri Dunelmensis quietem facta nullius astutia vel malicia tolli valeat vel mutari tam vobis priori nostro Dunelmensi et successoribus vestris quam ceteris quibuscumque subditis nostris et aliis omnibus quibus de iure licet absolvendi vel dispensandi super premissis correctionibus ordinacionibus et iniunctionibus nostris seu ea ali qualiter mitigandi vel mutandi omnem potestatem vel iurisdictionem adimimus et subducimus per presentes potestatem augendi mutandi minuendi omnes et singulas penas et penitencias predictas et alias quascumque in prefatis visitacionis nostre correctionibus et processibus tam supradicto quam aliis quibuscumque monachis nostris inpositas nobismetipsis specialiter absolvendi eciam et dispensandi super premissis et eorum quolibet soli persone nostre preterquam in mortis articulo reservantes Quicquid autem vos [] prior et subprior nostri Dunelmenses feceritis in premissis nobis per vestras patentes litteras harum seriem continentes infra quindecim dies post recepcionem presencium sub pena canonica rescribatis Dat London in festo sancte Lucie virginis anno domini MCCC decimo patriarchatus nostri quinto et consecracionis nostre vicesimo septimo