Charter Document - 06460160
| Charter Number: | 06460160 |
|---|---|
| Cartulary Title: | The Records of Antony Bek. Bishop and Patriarch 1283-1311 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1310 |
| Date type: | Internal, A.D., Episcopal, Regnal |
| Resource Link(s): |
|
Charter:
Omnibus Christi fidelibus ad quos presens scriptum pervenerit Antonius permissione divina sancte Jerosolymitane ecclesie patriarcha et episcopus Dunelmensis salutem in Domino sempiternam Noveritis nos concessisse et presenti carta nostra confirmasse Henrico de Neusom manenti in Cestr totum illud tenementum et mansum in quibus dictus Henricus de Neusom manet et de nobis tenet jacentia inter pontem de Cestr ex parte una et inter stagnum molendini et aquam de Coukeburn ex altera pro homagio et servitio suo habendum et tenendum sibi et heredibus suis de nobis et successoribus nostris episcopis Dunelmensibus et ecclesia nostra Dunelmensi in perpetuum reddendo inde per annum duodecim denarios ad saccariam nostrum Dunelmense ad quatuor anni terminos in episcopatu nostro Dunelmensi constitutos et faciendo inde nobis et successoribus nostris predictis pro relevio suo cum acciderit dimidiam marcam argenti et alia servitia debita et consueta et sciendum est quod predictus Henricus et heredes sui molent omnia blada sua infra dicta tenementa hospitatis venalia ibidem expensa alia cum alicubi voluerint molere vel indiguerint ad molendina nostra de Cestr ad vicesimum quartum vas et non alibi Volumus etiam et concedimus quod idem Henricus et heredes sui habeant communam pasture in boscis et pasturis de Cestr ad averia sua cubantia in dicto manso suo cum libero ingressu et egressu salvis nobis et dictis successoribus nostris approbamentis et separabilibus pasturis nostris in boscis et pasturis supradictis In cujus rei testimonium sigillum nostrum presentibus est appensum Hiis testibus domino Stephano de Mauley archidiacono Clyveland tunc senescallo nostro Dunelmensi Johanne de Byrteley Johanne de Wheteley Henrico de Ulkestan Willelmo de Pyketre Willelmo de Scoweland Roberto de Seleby clerico et aliis Datum apud Aukland xvij die Augusti anno Domini millesimo cccx regni regis Edwardi filii regis Edwardi quarto patriarchatus nostri quinto et consecrationis nostre xxvij