Charter Document - 06460159
| Charter Number: | 06460159 |
|---|---|
| Cartulary Title: | The Records of Antony Bek. Bishop and Patriarch 1283-1311 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1310 |
| Date type: | Internal, A.D., Calendar, Episcopal, Regnal |
| Resource Link(s): |
Durham Cathedral Archive - Register I (fii47r) |
Charter:
Omnibus hoc scriptum visuris vel audituris Antonius permissione divina sancte Jerosolimitane ecclesie Patriarcha et Episcopus Dunolmensis salutem [] Noveritis nos concessisse [] Willelmo filio Rogeri de Killerby pro homagio suo et pro servicio Centesime partis feodi unius militis tres acras terre vasti nostri abuttantes super curiam predicti Willelmi in villa de Kyllerby ad augmentacionem eiusdem curie sue ita tamen quod non impediatur cursus aque ad molendinum nostrum de Kyllerby Habendas [] predicto Willelmo et heredibus suis de nobis [] in seperali suo et pro voluntate sua includendas ut predicitur pro serviciis predictis inperpetuum Concedimus eciam eidem Willelmo et heredibus suis quandam culturam que vocatur le Buttes que abuttant super predictum vastum reddendo inde per annum nobis et successoribus nostris predictis ad saccariam Dunolmi unum denarium ad festum sancti Cuthberti in Septembri volentes quantum in nobis est quod possit illam culturam includere et inclusam tenere inperpetuum Preterea concedimus eidem Willelmo unam rodam et dimidiam vasti nostri iuxta pratum suum quod vocatur Estmedwe ex una parte et iuxta cursum aque dicti molendini nostri ex altera Habendas [] sibi et heredibus suis de nobis [] inperpetuum reddendo inde annuatim ad saccariam nostrum Dunolmi novem denarios ad quatuor anni terminos in episcopatu nostro predicto generaliter constitutos Salvo nobis et successoribus nostris et hominibus nostris de Kyllerby libero introitu et exitu in dicta roda et dimidia ad fena nostra et hominum nostrorum falcanda facienda et carianda et quod post fena dicti Willelmi cariata habeant homines nostri predicti communem pasture in eadem roda et dimidia ubique In cujus rei testimonium presente cartam sigilli nostri impressione fecimus communiri Hiis testibus domino Stephano de Maulay archidiacono Clivelandie tunc sencscallo nostro Dunolmensi dominis Roberto de Hilton Thoma de Whyteworth Philippo de la Leye militibus Ricardo de Stanlawe tunc vicecomite nostro Dunolmensi Johanne Schyrloc Gilberto de Scaresbek et aliis Dat apud Aluerton undecimo die mensis Augusti anno domini Millesimo trecentesimo decimo regni regis Edwardi filii regis Edwardi quarto patriarchatus nostri quinto et consecracionis nostre vicesimo septimo