Charter Document - 06460157

Antonius permissione divina sancte Jerosolomitane ecclesie patriarcha et episcopus Dunolmensis religioso viro domino [] Dei gracia Abbati beate Marie Eboracensis salutem cum benedictione et gracia salvatoris Cum nos pastoralis officii debitum in Monasterio nostro Dunolmensi nuperrime exequentes ipsum Monasterium et Capitulum eiusdem in personis et rebus visitaverimus et tam per nos quam per nostros commissarios defectus excessus et crimina in eadem visitatione comperta debite correxerimus prout predicto nostro officio incumbebat prefatum Monasterium nostrum et personas eiusdem ad sinceritatis et tranquille devotionis statum quatenus ad nos pertinet reducere et redintegrare spiritualibus desideriis affectantes culpas et offensas per nonnullos sepe dicti Monasterii monachos in resistendo processui [] Abbatis Lesatensis Appamiatensis dioecesis et collegarum seu sub delegatorum suorum executorum super administracione bonorum spiritualium et temporalium prioratus Dunolmensis nobis per sanctissimum patrem et dominum dominum Clementem divina providencia summum pontificem dudum commissa a sede apostolica deputatorum propter quas culpas resistencias et offensas excommunicationis et suspensionis sentencias irregularitates eciam et alias in habilitates iidem monachi incurrerunt ipsaque Monasterium et Capitulum ecclesiastico subiciebantur interdicto que omnia per dictam visitationem nostram notorie sunt comperta monachis ipsis quia reatum suum in premissis fatebantur et inde graciam et misericordiam nostram devote et humiliter postulabant misericorditer duximus remittendas Et quia per vestram et aliorum insinuationem accepimus vobis predictos monachos a dictis sentenciis absolvendi dispensandi eciam cum eisdem et ulterius faciendi quod incumbit in hac parte vocatis ad id nobis et aliis evocandis commissam a sede apostolica potestatem cupientes ut dicti monachi nostri sic per nos ad graciam preparati ad honorem dei animarum salutem et divini cultus augmentum quicquid eis in hac parte expedierit ulterius consequantur premissa vobis innotescimus per presentes Et quamquam de vocatione nostra in prefata commissione vestra mencio fiat quia tamen in nostri favorem eidem commissioni inseri dinoscitur volumus et expresse consentimus quod cum nos hiis que vobis in hac parte committuntur nil ad presens obicere intendamus preter missa vocatione quacumque de nobis facienda cui presencialiter renunciamus alias procedatis ad absolvendum monachos predictos et dispensandum cum eis et alia vobis commissa in premissis plenaria exequendum prout vobis per dicte sedis literas est commissum In cuius rei testimonium sigillum nostrum presentibus est appensum Dat apud Istelworth octavo die mensis Junii anno domini Millesimo Tricentesimo decimo patriarchatus nostri quinto et consecracionis nostre vicesimo septimo