Charter Document - 06460151
| Charter Number: | 06460151 |
|---|---|
| Cartulary Title: | The Records of Antony Bek. Bishop and Patriarch 1283-1311 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1310 |
| Date type: | Internal, A.D., Calendar, Episcopal |
| Resource Link(s): |
|
Charter:
Antonius permissione divina sancte Jerosolomitane ecclesie Patriarcha et Episcopus Dunelmensis omnibus ballivis et fidelibus suis ad quos presens scriptum pervenerit salutem in domino Sciatis quod ad nostrum et successorum nostrorum episcoporum Dunelmensium perpetuum commodum et tocius libertatis nostre Dunelmensis melioracionem et omnium incolarum eiusdem et maxime partium ville nostre de Stockton adiacentium utilitatem ordinavimus concessimus statuimus et hac carta nostra confirmavimus in predicta villa de Stocton mercatum et feriam certis anni temporibus tenendam cum omnibus que ad mercatum et feriam pertinere noscuntur mercatum videlicet singulis diebus Mercurii inperpetuum feriam vero singulis annis in festo translacionis sancti Thome Martiris archiepiscopi Cantuariensis duraturam per continuos octo dies inperpetuum salvis nobis et successoribus nostris episcopis Dunelm Custumis Tolnetis et aliis iuribus et consuetudinibus ad nos et successores nostros inde sicut de ceteris mercatis et feriis infra libertatem nostram predictam pertinentibus quoquomodo Quare volumus et precipimus quod predictum mercatum et feria suis temporibus supradictis absque impedimento de cetero futuris temporibus durantur et libere inperpetuum observantur sicut est predictum In cujus rei testimonium has litteras nostras sigillo nostro patriarchali una cum sigillo nostro episcopali Dat apud Stockton undecimo die mensis Maii anno domini Millesimo tricentesimo decimo patriarchatus nostri quinto et consecracionis nostre vicesimo septimo