Charter Document - 06460146
| Charter Number: | 06460146 |
|---|---|
| Cartulary Title: | The Records of Antony Bek. Bishop and Patriarch 1283-1311 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1309 |
| Date type: | Internal, A.D., Calendar, Episcopal |
| Resource Link(s): |
|
Charter:
A [] dilecto in Christo filio domino Rogero de Waltham canonico Londoniensi familiari clerico nostro salutem [] Cum dudum venerabili viro domino Johanne de Drockenesford in Bathoniensis et Wellensis ecclesiarum pastorem electo confirmato et bonorum ecclesiasticorum administracionem assecuto decursoque tempore post confirmacionem suam predictam de consecrandis episcopis a canonibus diffinito in omnibus fructibus et proventubus prebende quam idem dominus Johannes habuit et tenuit ex collacione nostra in ecclesia prebendali de Cestria nostre dioecesis Dunolmensis sic vacantis et ad nostram ordinacionem tam per lapsum dicti temporis canonici quam aliter spectantis sequestrum nostrum interponi precepissemus et fecissemus prout nostro pastorali officio iuste incumbebat et libere pertinebat volentes tibi cuius laudabilia merita sunt nobis ex diuturna conversacione satis nota graciam in hac parte facere specialem dictum sequestrum nostrum dicte prebende et fructuum eius instantis autumni videlicet anni domini Millesimi Trecentesime noni ac eciam omnes fructus exitus et proventus de dicta prebenda ab octabis sancti Laurencii proximo preteritis [] ac deinceps qualitercumque provenientes vel pertinentes eidem in quibuscumque consistant eciam si in nominibus debitorum ad quorumcumque manus devenerunt tibi conferimus et donamus Et hoc omnibus quorum interest vel interesse poterit innotescimus per presentes sigillo nostro in cuius rei testimonium consignatas Dat apud Newenham iuxta Bedeford per manus magistri Johannis de Insula clerici nostri primo die mensis Octobris anno domini supradicto patriarchatus nostri quarto et consecracionis nostre xxvi miseracione divina