Charter Document - 06460140
| Charter Number: | 06460140 |
|---|---|
| Cartulary Title: | The Records of Antony Bek. Bishop and Patriarch 1283-1311 |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1309 |
| Date type: | Internal, A.D., Calendar |
| Resource Link(s): |
|
Charter:
Omnibus Christi fidelibus hoc scriptum visuris [] Willelmus de Tanfeld Prior monasterii Dunelmensis et eiusdem loci conventus salutem in domino sempiternam Noveritis nos de consensu unanimi tocius capituli nostri remisisse relaxasse et omnino pro nobis et successoribus nostris inperpetuum quietum clamasse venerabili patri et domino nostro domino Antonio dei gracia sancte Jerosolimitane ecclesie Patriarche et Episcopo nostro Dunelmensi ac omnibus et singulis ministris suis quibuscumque omnimodas acciones quarumcumque querelarum transgressionum gravaminum et iniuriarum que nobis aut nostris per dictum dominum Episcopum aut aliquem de suis vel ipsorum auctoritate nomine seu mandato dici possunt usque ad diem confeccionis presencium illata fuisse una cum omnimodis dampnis nobis in Curia bone memorie domini Edwardi nuper Regis Anglie et alibi ubicumque coram quibuscumque eiusdem domini Regis iusticiariis aut aliis qualitercumque adiudicatis et die confeccionis presencium non solutis vel occasione predictorum nobis qualitercumque adiudicandis Ita quod nec nos nec successores nostri nec aliquis nostro nomine versus prefatum dominum nostrum Episcopum vel ministros suos quoscumque aut successores heredes vel executores eorum nomine dampnorum vel expensarum aut aliter occasione predictorum poterimus aliquid exigere vel levari facere seu aliqualiter vendicare omni accioni et prosequcioni seu iuri nobis in premissis competentibus vel competitoris palam et expresse renunciantes per presentes In cuius rei testimonium sigillum meum presentibus est appensum Dat in Capitulo nostro Dunelmensi Nono die Mensis Marcii Anno domini Millesimo CCC Octavo