Charter Document - 06460136
| Charter Number: | 06460136 |
|---|---|
| Cartulary Title: | The Records of Antony Bek. Bishop and Patriarch 1283-1311 |
| Charter Language: | Latin |
| Charter Origin: | Religious |
| Charter Type(s): | Appeal |
| Date: | 1309 |
| Date type: | Internal, A.D., Calendar, Episcopal |
| Resource Link(s): |
Reference Document for this Embedded Document Reference Document for this Embedded Document Reference Document for this Embedded Document |
Charter:
Antonius permissione divina sancte Jerosolimitane ecclesie patriarcha et episcopus Dunolmensis dilectis in Christo filiis domino Stephano de Mauley decano prebendalis ecclesie de Auckland nostre dioecesis Dunolmensis in nostris civitate et dioecesi Dunolmensi nostro vicario generali et magistro Willelmo de sancto Botulpho archidiacono nostro Dunolmensi salutem graciam et benediccionem Ad procedendum cognoscendum pronunciandum statuendum diffiniendum et discuciendum super articulis in nostra visitacione nuper in capitulo ecclesie nostre Dunolmensis celebrata compertis quatenus singulares personas necnon et statum personarum et rerum eiusdem capituli et ecclesie contingunt seu contingere poterunt quoquomodo vobis coniunctim et divisim committimus vices nostras per presentes cum canonice cohercionis potestate donec eas duxerimus revocandas Ita quod vos vel vestrum alter associatis vobis [] Priore [] Subpriore et aliis quatuor vel quinque de senioribus et sanioribus de dicto capitulo monachis in eodem capitulo procedatis in premissis vel procedat In cujus rei testimonium has litteras nostras sigillo nostro patriarchali una cum sigillo nostro episcopali Dat apud Auckland decimo die mensis Februarii anno domini Millesimo Trecentesimo octavo patriarchatus nostri tercio et consecracionis nostre vicesimo sexto