Charter Document - 06460134
| Charter Number: | 06460134 |
|---|---|
| Cartulary Title: | The Records of Antony Bek. Bishop and Patriarch 1283-1311 |
| Charter Language: | Latin |
| Charter Origin: | Religious |
| Charter Type(s): | Licence |
| Date: | 1309 |
| Date type: | Internal, A.D., Calendar, Episcopal |
| Resource Link(s): |
Durham Cathedral Archive - Register I (fii28r) |
Charter:
Antonius permissione divina sancte Jerosolimitane ecclesie patriarcha et episcopus Dunelmensis dilectis in Christo filiis priori et conventui Monasterii de Giseburn ordinis sancti Augustini Eboracensis dioecesis salutem graciam et benedictionem Fervor et religionis devocio continua hospitalitatis observacio et elemosinarum pia largitio ceteraque caritatis opera que in vestro monasterio predicto iugiter exercentur nos visceraliter excitant et inducunt favore vos prosequi gracie specialis Hinc est quod in ecclesia parochiali de Hert nostre dioecesis quam una cum capella de Herterpole in eadem parochia in usus proprios canonice possidetis et in qua per vicarium secularem cura animarum regi consuevit ut per vestrum concanonicum populus eiusdem parochie regatur et animarum cura exerceatur in eadem perpetuis temporibus in futurum vobis auctoritate pontificali pro nobis et successoribus nostris tenore presencium specialiter indulgemus Ita scilicet quod nunc et alias quociens opus erit idem concanonicus vester qui in dicta ecclesia ministrabit nobis et successoribus nostris per vos presentetur et per nos et successores nostros admittatur et instituatur nobis et successoribus nostris de spiritualibus vobis autem de temporalibus responsurus Proviso quod canonicis predictis de fructibus et proventibus dicte ecclesie tantum dem assignetur unde commode sustentari et hospitalitatis onus congrue valeant supportare auctoritate nostra dioecesana iure eciam et dignitate ecclesie nostre Dunelmensis per omnia semper salvis In cujus rei testimonium presente cartam sigilli nostri impressione fecimus communiri sigillum nostrum episcopale presentibus est appensum Dat apud Aucland Nono die Februarii anno domini Millesimo Trecentesimo Octavo patriarchatus nostri tercio et pontificatus nostri vicesimo sexto