Charter Document - 06460131
| Charter Number: | 06460131 |
|---|---|
| Cartulary Title: | The Records of Antony Bek. Bishop and Patriarch 1283-1311 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1308 |
| Date type: | Internal, A.D., Feast |
| Resource Link(s): |
Durham Cathedral Archive - Register I (fi113v) |
Charter:
Reverendo patri in Christo ac domino domino A dei gracia sancte Jerosolimitane ecclesie Patriarche et episcopo Dunolmensi devoti filii Willelmus prior ecclesie Dunolmensis et eiusdem loci conventus salutem cum debitis et devotis obediencia reverencia et honore Ad vicariam ecclesie sancti Laurencii de Pitingdon per resignacionem domini Johannis de Billingham quondam vicarii eiusdem vacantem et ad nostram presentacionem spectantem dilectum nobis in Christo dominum Johannem de Dalton capellanum quem virum novimus provisum et honestum vestre reverende paternitati per has patentes litteras presentamus vobis omni devocione qua possumus supplicantes quatinus eundem dominum Johannem ad vicariam predictam ad nostram presentacionem benigne admittere dignemini quod vestrum est in hac parte circa ipsum plenius exequentes In cuius rei testimonium presentes litteras sigillo capituli nostri fecimus communiri Dat Dunolmi in crastino sancti Martini anno domini MCCC octavo