Charter Document - 06460118
| Charter Number: | 06460118 |
|---|---|
| Cartulary Title: | The Records of Antony Bek. Bishop and Patriarch 1283-1311 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1304 |
| Date type: | Internal, A.D., Calendar, Episcopal |
| Resource Link(s): |
Durham Cathedral Archive - Register I (fii31r) |
Charter:
Omnibus Christi fidelibus hoc scriptum visuris [] Antonius permissione divina ecclesie sancte Jerosolomitane patriarcha et episcopus Dunolmensis salutem [] Cum nuper dederimus [] dilecto et fideli nostro Gilberto de Scaresbek pro laudabili servicio suo nobis et ecclesie nostre inpenso sexies viginti acras terre vasti nostri subtus Schedeneslaw versus boscum iuxta Birteley ex parte una et Eghton ex parte altera nos uberiorem graciam eidem Gilberto facere volentes concedimus pro nobis [] quod predictus Gilbertus et heredes sui habeant liberam communem pasture cum omnimodis averiis suis propriis in boscis nostris de Birteley et Gatisheued et eciam in mora de Gatisheued adeo libere et quiete sicuti aliqui alii liberi liberius feoffati habent vel habere poterunt in predictis moris et boscis salvo nobis [] appropia mento nostro pro voluntate nostra In cujus rei testimonium presente cartam sigilli nostri impressione fecimus communiri Hiis testibus dominis Stephano de Malo Lacu archidiacono Clivelandie magistro Willelmo de sancto Botulpho archidiacono Dunolmensi Petro de Thoresby Hugone de Louther Johanne de Sotyll militibus Ricardo de Stanlawe Johanne de Saundone et aliis Dat apud Aluirton quarto decimo die Augusti anno domini Millesimo Tricentesimo sexto patriarchatus nostri primo et consecracionis nostre vicesimo tercio