Charter Document - 06460113

In nomine domini amen Anno eiusdem MCCCVI secundum cursum ecclesie Romane et indiccione quarta decimo die mensis Marcii pontificatus domini dementis divina providencia pape quinti anno primo venerabilis pater dominus Antonius permissione divina patriarcha Jerosolomitanus et episcopus Dunolmensis ac in spiritualibus et temporalibus prioratus Dunolmensis administrator et curator auctoritate apostolica deputatus in mei notarii presencia et testium subscriptorum personaliter constitutus fecit constituit et ordinavit dilectum sibi in Christo fratrem H[enricum] de Lusceby monachum prioratus Dunolmensis predicti suum verum et legitimum procuratorem et nuncium specialem dans et concedens eidem plenam et liberam potestatem et mandatum speciale nomine suo et pro ipso administracionem et curam bonorum spiritualium et temporalium prioratus supradicti petendi recipiendi admittendi et exercendi fructus proventus obvenciones et redditus dicti prioratus et ad ipsum prioratum spectantes et pertinentes nomine quo supra integraliter percipiendi ac eciam omnia et singula faciendi que ad administracionem et curam spiritualium et temporalium bonorum prioratus predicti de iure seu consuetudine requiruntur secundum verbi formam et tenorem mandati et commissionis sedis apostolice eidem Patriarche episcopo et administratori in hac parte factorum pro eodem insuper patriarcha episcopo administratore et curatore et eius nomine in omnibus causis negociis et querelis ipsum qualitercumque contingentibus coram quibuscumque iudicibus ordinariis delegatis et eorum commissariis quibuscumque diebus et locis quociens ipsum abesse contigerit vel adesse agendi defendendi excipiendi replicandi litem contestandi iuramentum de calumpnia et de veritate dicendi et quodlibet genus liciti sacramenti in animam suam prestandi ponendi posicionibus respondendi testes et instrumenta producendi provocandi et appellandi apostolos petendi et recipiendi provocaciones et appellaciones innovandi et notificandi status sui reformaccionem et in integrum restitucionem expensas dampna et interesse nomine quo supra petendi et recipiendi et super eisdem in animam suam iurandi unum vel plures procuratorem vel procuratores loco sui ad premissa omnia et infra scripta substituendi substitutum vel substitutos ab eodem revocandi et officium procuratoris in se re assumendi et procurandi et generaliter omnia et singula faciendi et exercendi in iudicio et extra que ipse met facere posset si presens esset eciam si mandatum exigant speciale Et volens dictum procuratorem suum et substitutum vel substitutos ab eodem ab omni honere satis fandi relevare promisit michi notario infrascripto stipulanti nomine et vice omnium quorum interest et interesse poterit se ratum et firmum perpetuis temporibus habiturum quicquid per dictum procuratorem suum vel eius substitutum factum fuerit nomine quo supra in premissis seu quolibet premissorum necnon iudicio sisti et iudicatum solvi in omnibus suis clausulis sub ypoteca et obligacione omnium bonorum suorum Acta fuerunt hec apud Masticon in hospicio dicti patris anno domini indiccione die mense et pontificatu predictis presentibus []