Charter Document - 06460106
| Charter Number: | 06460106 |
|---|---|
| Cartulary Title: | The Records of Antony Bek. Bishop and Patriarch 1283-1311 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1305 |
| Date type: | Assigned |
| Resource Link(s): |
Durham Cathedral Archive - Register I (fii28v) |
Charter:
Antonius permissione divina Dunolmensis episcopus universis presentem cartam visuris vel audituris salutem in domino Noveritis nos [] hac presenti carta nostra confirmasse dilecto et fideli nostro Gilberto de Scaresbret pro laudabili servicio suo nobis et ecclesie nostre inpenso sexies viginti acras terre vasti nostri subtus Schedeneslawe versus boscum iuxta Byrtley ex parte una et Eghton ex parte altera habendam [] eidem Gilberto et heredibus suis de nobis et successoribus nostris ecclesie Dunolmensis dictam terram cum omnibus suis pertinenciis in pratis pascuis et pasturis libere quiete bene et in pace inperpetuum Reddendo inde annuatim nobis [] ad saccariam nostrum Dunolmi x solidos argenti ad quatuor anni terminos in episcopatu nostro constitutos et faciendo inde nobis [] forinsecum servicium videlicet quantum pertinet ad quadragesimam partem feodi unius militis pro omni alio servicio sectis curie et molendini et aliis demandis universis Volumus eciam et concedimus quod idem Gilbertus ad vitam suam habeat de foresta nostra focalia housebote et heibote racionabilia per visum forest ariorum nostrorum et quod idem Gilbertus quietus sit de pannagio propriorum porcorum suorum In cujus rei testimonium presente cartam sigilli nostri impressione fecimus communiri Hiis testibus []