Charter Document - 06460085
| Charter Number: | 06460085 |
|---|---|
| Cartulary Title: | The Records of Antony Bek. Bishop and Patriarch 1283-1311 |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1303 |
| Date type: | Assigned |
| Resource Link(s): |
Durham Cathedral Archive - Register II (f30v) |
Charter:
Universis sancte matris ecclesie filiis ad quos presentes littere pervenerint Antonius permissione divina Dunelmensis episcopus salutem in domino sempiternam Pium ac laudabile predecessoris nostri propositum imitati ecclesiam parochialem de Gretham nostre dioecesis cum suis pertinenciis omnibus magistro et fratribus hospitalis de Gretham ac eidem hospitali quod idem predecessor noster fundavit atque dotavit assignavimus appropiavimus et concessimus non est diu in proprios usus perpetuo possidendam potestate ordminandi numerum capellanorum et clericorum ampliorem in dicto hospitali deo serviturorum nobis reservata prout in nostre appropriacionis litteris plenius continetur Advertentes itaque ordinacionem predecessoris nostri prefati in fundacione dicti hospitalis super numero capellanorum et clericorum in ipso hospitali deo perpetuo servandorum scilicet quod sint ibi unus magister et presbiter ac alii quinque capellani et duo clerici litterature competentis deo perpetuo servientes et quod in eodem hospitali sint xl pauperes de maneriis Dunelmensis episcopi magis indigentes de bonis eiusdem hospitalis perpetuo sustendandi provida deliberacione ac racionabiliter factam extitisse prout in litteris ordinacionis dicti predecessoris nostri vidimus plenius contineri eidem non intendimus ali qualiter derogare set ipsam inviolabiliter observari statuimus et decrevimus per presentes eidem ordinacioni adicientes de consensu et voluntate magistri et fratrum hospitalis predicti In nomine Patri et Filii et Spiritus Sancti amen Statuimus et ordinamus serie presencium et tenore quod preter numerum capellanorum et clericorum predictorum sint in dicto hospitali unus capellanus et unus clericus ydoneus et conversacionis honeste deo ibidem una cum aliis capellanis et clericis sumptibus eiusdem hospitalis secundum ordinacionem modum vitam et regulam per dictum predecessorem nostrum in dicta sua ordinacione traditas perpetuo servituri volentes ex nunc et decernentes quod tam hec nostra quam supradicta predecessoris nostri ordinacio necnon et regula per eundem predecessorem nostrum dictis magistro et fratribus ac pauperibus data et tradita que penes ipsos magistrum et fratres sub sigillo eiusdem predecessoris nostri resident consignate in omnibus et per omnia robur perpetue optineant firmitatis auctoritate dioecesana semper salva In cuius rei testimonium []