Charter Document - 06460079
| Charter Number: | 06460079 |
|---|---|
| Cartulary Title: | The Records of Antony Bek. Bishop and Patriarch 1283-1311 |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1301 |
| Date type: | Internal, Calendar, Episcopal |
| Resource Link(s): |
|
Charter:
Universis sancte matris ecclesie filiis presentes literas visuris vel audituris Antonius permissione divina Dunelmensis Episcopus salutem cum benediccione gracie salutaris Cupientes per allectiva indulgenciarum munera mentes fidelium ad pietatis opera propensius excitare de trinitatis dei fide digna et miti misericordia beate et gloriose virginis ac matris necnon gloriosi confessoris Cuthberti patroni nostri omniumque sanctorum meritis ac votivis suffragiis firmiter confidentes ut altare sancte Crucis in ecclesia cathedrali gloriosissimi confessoris Cuthberti in Dunelm de novo constructum congruis honoribus et crebris populorum accessibus frequentetur omnibus parochianis nostris et aliis quorum dioecesani hanc nostram indulgenciam ratam habuerint de peccatis suis vere contritis penitentibus et confessis qui dictum altare in festivitatibus sancte Crucis venerabiliter visitaverint et devote vel ad luminaris eiusdem altaris sustentacionem aliquid de bonis sibi a deo collatis pie contulerint vel transmiserint viginti dies de iniuncta sibi penitencia misericorditer relaxamus In cuius rei testimonium presentes literas sigillo nostro fecimus communiri Dat Dunelmi kalend Decembris pontificatus nostri anno decimo VIII