Charter Document - 06460071
| Charter Number: | 06460071 |
|---|---|
| Cartulary Title: | The Records of Antony Bek. Bishop and Patriarch 1283-1311 |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1300 |
| Date type: | Internal, A.D., Calendar |
| Resource Link(s): |
Durham Cathedral Archive - Cartulary I (f122v) |
Charter:
In nomine domini amen Inter venerabilem patrem Antonium dei gracia episcopum Dunolmensem ex parte una et religiosos viros [] Priorem et Conventum eiusdem loci ex altera super modo et forma visitacionis quam idem episcopus auctoritate ordinaria petebat ab eis suscitata materia questionis tandem mediante magnifico principe domino E[dwardo] Dei gracia rege Anglie illustri ac ipsius diligencia et studio procurante dicte partes in formam pacis que sequitur concordarunt videlicet quod in primis animorum motus indignacioncs malivolencie et rancores hinc inde penitus remittantur excommunicacionum privacionum ammocionum et alie quovis sentencie per dictum episcopum seu commissarios suos contra predictos priorem et conventum prolate processus facti et habiti et gravamina subsecuta retractentur et penitus revocentur provocacionibus et appellacionibus per dictas partes interpositis renuncietur et renunciaciones fieri debent expresse statu prefati prioris obedienciariorum monachorum et aliarum omnium personarum sibi et suis adherencium et que ad ipsos quoquomodo pertinent semper salvo et integro permanente Et monachi eciam que parti prefati episcopi adherebant reconcilientur et reconciliari debent priori et conventui antedictis ita quod dicta de causa per eosdem priorem et conventum non molestentur in aliquo seu graventur super quo fiat et fieri debet securitas que sufficiens videatur Hiis autem in omnibus et singulis suis articulis debito modo factis atque completis ac in statu quo ante visitacionem petitam fuerant positis et redactis tunc demum prefatus episcopus quando sibi placuerit et visum fuerit expediens ex officio suo ad visitacionem huiusmodi faciendam procedat ad quam a prelibatis priore et conventu cum tribus vel quatuor clericis ista vice videlicet humiliter et cum qua decet reverencia admittatur Premissis igitur in presencia predictorum Regis Episcopi Prioris et quam plurium monachorum ex utraque parte existencium tunc ibidem verbo tenus recitatis et dictis tam idem episcopus quam prior et monachi memorati ea laudarunt approbarunt et eciam acceptarunt ac ex tunc interveniente pacis osculo ipse partes facte sunt unanimes et concordes omnia et singula que superius sunt expressa servare facere et complere firmiter promittentes In quorum omnium testimonium de premissis facta sunt tria publica instrumenta tenoris consimilis quorum unum penes prefatum dominum Regem residet aliud vero pro dicto episcopo est confectum quod habere poterit cum voluent et illud duxerit requirendum tercium quoque penes priorem et conventum residet antedictos Act anno a nativitate domini Millesimo CCC indictione decima tercia undecimo die exeunte mense Junio presentibus venerabilibus viris magistris J[ohanne] de Craucumbe archidiacono Estriding in ecclesia Eboracensi W[illelmo] de sancto Botulpho archidiacono Dunolmensi et nobili viro domino O[ttone] de Grandisono milite A[da] de Driffeld fratre Waltero de Wynterburn et nonnullis aliis testibus ad hoc vocatis specialiter et rogatis apud Evenewode in dioecesi Dunolmensi Et ego Johannes Erturi de Cadomo apostolice sedis auctoritate notarius publicus premissis omnibus interfui propria manu scripsi et de mandato prefati domini Regis ad evidenciam plenarium predictorum ea mei signi annotacione in hanc publicam formam redegi