Charter Document - 06460070
| Charter Number: | 06460070 |
|---|---|
| Cartulary Title: | The Records of Antony Bek. Bishop and Patriarch 1283-1311 |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1300 |
| Date type: | Internal, A.D., Calendar |
| Resource Link(s): |
Durham Cathedral Archive - Register III (f84v) |
Charter:
In nomine domini amen Anno domini Millesimo tricentesimo indiccione tercia decima duodecimo kl Junii in presencia mei Ade notarii publici infrascripti et testium subscriptorum viri venerabiles et discreti magister Johannes de Lascy cancellarius ecclesie Cicestrensis et Robertus de Alberwyk decanus ecclesie prebendalis de Aukland reverendi patris domini Antonii dei gracia Dunelmensis episcopi commissarii ad infrascripta specialiter ab eo deputati prout in commissione ipsius patris eis facta in hac parte plenius poterit apparere in ecclesia Cathedrali Dunelmensi pro tribunali sedentes cum constaret eis religiosos vi ros priorem et conventum seu capitulum ecclesie Dunelmensis prefate ad dictos diem et locum continuando processum visitacionis dicti patris inchoatum die proxima precedente peremptorie fuisse et esse citatos et penam canonicam pro delictis notorie coram ipso patre commissis recepturos necnon sentenciam seu pronunciacionem dicti patris vel suorum commissariorum unius vel plurium super premissis audituros ac iuri parituros ulteriusque facturos et recepturos quod incumbit prout in quodam instrumento publico manu mei Ade notarii publici infrascripti confecto super hoc plenius continetur contra ipsos religiosos voce preconia pluries preco nivatos minime comparentes processerunt processum dicti patris continuando ac eciam pro nunciarunt in scriptis sub hac forma [] Conventum eciam Dunelmensem priores de sacra Insula de Fynkall de Stamford et de Lythum ac magistros et custodes de Jarow et de Wermouth et alias administratores locorum eorundem com monachos usque in diem Lune proximam post ascensionem domini decreverunt dicti commissarii fore expectandos quo die compareant coram venerabili patre domino episcopo Dunelmensi ubicumque tunc fuerit in sua dioecesi penam condignam pro suis demeritis in forma iuris recepturi ulteriusque facturi et recepturi quod ius dictabit Actum in ecclesia cathedrali Dunelmensi anno indiccione die et mense predictis presentibus discretis viris magistris Willelmo archidiacono Dunelmensi Reginaldo de Brandon canonico sancti Pauli London Ricardo de Morpath Henrico de Luceby clericis et aliis testibus ad hoc vocatis et rogatis