Charter Document - 06460069
| Charter Number: | 06460069 |
|---|---|
| Cartulary Title: | The Records of Antony Bek. Bishop and Patriarch 1283-1311 |
| Charter Language: | Latin |
| Charter Origin: | Religious |
| Charter Type(s): | Commission |
| Date: | 1300 |
| Date type: | Internal, Episcopal, Feast |
| Resource Link(s): |
Durham Cathedral Archive - Register III (f84v) |
Charter:
Antonius permissione divina Dunelmensis episcopus venerabilibus et discretis viris magistris Johanni de Lascy cancellario ecclesie Cicestresensis et Roberto de Albervyk decano ecclesie nostre de Aukland salutem cum benediccione et gracia salvatoris Ad procedendum discuciendum statuendum privandum et amovendum a dignitatibus personatibus administracionibus et officiis penas canonicas inponendum et eas iuxta iuris exigenciam adgravandum excommunicacionesque debitas fieri faciendum contra Ricardum priorem ecclesie nostre Dunelmensis et eiusdem loci subpriorem tercium priorem sacristam precentorem terrarium celerarium hostilarium camerarium bursarium granatarium refectorarium fratresque Johannem de Castro Bernardi Galfridum Burdon et Robertum de Routhebery com monachos dicte domus quos ob eorum contumacias contemptus rebelliones et inobediencias manifestas transgressiones eciam canonum iurium et libertatum dicte ecclesie nostre violaciones in excommunicacionum sentencias per nos latas pronunciamus et declaramus incidisse et nihilominus monicione canonica premissa pro suis commissis excommunicavimus ac excommunicatos ipsos esse pronunciavimus iusticia suadente necnon contra conventum prefate ecclesie nostre Dunelmensis ac religiosos viros priorem de Fynkall de sacra Insula de Lythum et de Stamford ac magistros seu custodes de Jarow et de Wermouth eorum demque prioratuum et locorum com monachos officium vel administracionem optinentes quos similiter ob causas premissas manifestas pronunciavimus contumaces penas eis infligendas nobis ac nostris commissariis pro nostre voluntatis arbitrio reservantes necnon ad decernendum et statuendum tam super periuriis per dictum Ricardum priorem quam super aliis delictis criminibus et excessibus per ipsum et alias dicte domus monachos notorie coram nobis commissis ac eciam ad faciendum privaciones et amociones a dignitatibus personatibus administracionibus et officiis ac provisiones et assignaciones administracionum et officiorum et ad omnia et singula facienda que ad dicte ecclesie nostre utilitatem et ipsius ecclesie status reformacionem pertinere possint vobis coniunctim vices nostras committimus cum cohercionis canonice potestate Dat apud Dunelmum die Sabbati proxima post festum ascensionis domini anno consecracionis nostre xvii