Charter Document - 06460068
| Charter Number: | 06460068 |
|---|---|
| Cartulary Title: | The Records of Antony Bek. Bishop and Patriarch 1283-1311 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1300 |
| Date type: | Internal, A.D., Calendar |
| Resource Link(s): |
Durham Cathedral Archive - Register III (f83v) |
Charter:
In nomine domini amen Anno domini Millesimo Tricentesimo indiccione tercia decima tercio decimo kal Junii venerabilis pater dominus Antonius dei gracia episcopus Dunelmensis in castello suo apud Dunelmum constitutus in presencia mei Ade notarii publici infrascripti dominorum Petri de Thoreby et Andree de Labice de Dunelmo presbiteri testium ad hoc vocatorum et rogatorum iniunxit ac eciam commisit discreto viro magistro Ricardo de Morpath officiali domini archidiaconi Dunelmensis presenti et mandatum suscipienti ut statim ad religiosos viros Priorem et Conventum seu capitulum ecclesie sue Dunelmensis personaliter accederet ac ipsos moneret diligenter et peremptorie citaret ac denunciaret eisdem primam citacionem suam in hac parte eis factam continuando ut coram dicta patre vel suis commissariis uno vel pluribus die crastina legitime compareant penam canonicam pro delictis notorie coram ipso patre commissis recepturi necnon sentenciam seu pronunciacionem dicti patris vel suorum commissariorum unius vel plurium super premissis audituri ac iuri parituri ulteriusque facturi et recepturi quod incumbit Dictus quoque officialis mandatum huiusmodi sibi factum et commissum suscipiens mox accessit ad prioratum Dunelmensem in camera Prioris loci eiusdem inventisque ibidem clericis et familiaribus ipsius Prioris dixit eis se velle et debere ex parte venerabilis patris domini episcopi Dunelmensis supradicti ex mandato ipsius speciali aliqua Priori memorato nunciare Et licet presenciam ipsius Prioris diucius ibi expectasset tamen dictus Prior in sua capella ut a famulis suis dicebatur existens sui copiam tunc facere minime curavit unde officialis sepe dictus in defectu presencie dicti prioris coram dictis clericis et familiaribus ipsius prioris monuit ac eciam citavit peremptorie factum dicti patris seu processum inchoatum in hac parte continuando ipsos priorem et conventum Dunelmenses ac denunciavit eis ut compareant coram dicta patre vel suo aut suis commissario vel commissariis die crastina in ecclesia cathedrali Dunelmensi penam canonicam pro delictis notorie coram dicta patre commissis necnon sentenciam seu pronunciacionem dicti patris vel commissariorum suorum unius vel plurium super premissis audituri ac iuri parituri ulteriusque facturi et recepturi quod erit iustum ipsam quoque monicionem citacionem et denunciacionem necnon sentenciam seu pronunciacionem dicti patris vel commissariorum suorum unius vel plurium super premissis audituri pluribus monachis capituli Dunelmensis ante hostium capituli eorundem publicavit fecit et notificavit presentibus clericis et familiaribus religiosorum eorundem Acta fuerunt hec anno indiccione die mense et loco videlicet apud Dunelmum predictis presentibus domino Andrea de ballio de Civitate Dunelmensi domino Ricardo rectore ecclesie sancte Marie de ballio boriali Dunelmensi Willelmo Hopilaund et Adam de Laycestre testibus ad hoc vocatis et rogatis