Charter Document - 06460060
| Charter Number: | 06460060 |
|---|---|
| Cartulary Title: | The Records of Antony Bek. Bishop and Patriarch 1283-1311 |
| Charter Language: | Latin |
| Charter Origin: | Religious |
| Charter Type(s): | Assignment |
| Date: | 1298 |
| Date type: | Internal, A.D., Calendar, Episcopal |
| Resource Link(s): |
|
Charter:
Omnibus Christi fidelibus presens scriptum visuris vel audituris Antonius dei gracia Dunelmensis episcopus salutem Noverit universitas vestra quod cum Willelmus Faukys et Eda uxor sua unum mesuagium cum uno tofto et viginti acris terre et una acra bosci cum pertinenciis in Holsawod de tenementis illarum quadraginta acrarum terre quas quondam Walterus bone memorie Dunelmensis episcopus magistro Galfrido Coco servienti suo et heredibus suis vel assignatis ad feodi firmam per cartam suam dedit et concessit nobis in Curia nostra apud Dunelmum reddiderunt et quietum clamaverunt prout per finalem concordiam inter [nos] et predictos Willelmum et Edam in dicta Curia nostra inde levatam patet evidenter nos ad divini cultus ampliacionem volentes piis usibus assignare dictum mesuagium cum tofto et viginti acris terre et una acra bosci supradictis ad promocionem et sustentacionem Cantarie ad altare beate virginis in ecclesia sancti Andree de Aukland ad nostram collacionem spectantis domino Johanni de Watthynesfeld capellano dicto altari ministranti et suis successoribus in dicta Cantaria ministraturis dedimus concessimus et presenti carta nostra confirmavimus habendum et tenendum libere quiete pacifice integre cum omnibus suis libertatibus asiamentis et pertinenciis in perpetuam elemosinam reddendo inde annuatim nobis et successoribus nostris ad scaccarium Dunelmi quinque solidos tantum ad quatuor anni terminos in Episcopatu Dunelmensi constitutos pro omnibus demandis et secularibus exactionibus quibuscumque que de predicta terra et tenementis exigi poterunt in futurum Et ut hec nostra concessio donacio et presentis carte confirmacio robur optineat perpetue firmitatis sigillum nostrum apponi fecimus huic carte Hiis testibus dominis Roberto de Hilton Ranulpho de Nevill Johanne Marmeduk Gwichardo de Carron Johanne de Conyers Gilberto de Heworth militibus magistro Willelmo de Sancto Botulpho tunc senescallo nostro dominis Petro de Thoresby Thoma de Leuesham clericis Willelmo Pollard Waltero de Bermeton Thoma le Chaunceller Waltero de Lutryngton Johanne de Hennekoll et aliis Dat apud Aukland septimo decimo die mensis Junii anno domini MCC nonagesimo octavo et consecracionis nostre quintodecimo