Charter Document - 06460055
| Charter Number: | 06460055 |
|---|---|
| Cartulary Title: | The Records of Antony Bek. Bishop and Patriarch 1283-1311 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1284 - 1297 |
| Date type: | Assigned |
| Resource Link(s): |
|
Charter:
Sciant presentes et futuri quod nos Antonius permissione divina Dunelmensis episcopus dedimus et concessimus et hac presenti carta nostra confirmavimus dilecto bachelario nostro domino Johanni filio Marmaduci omnes terras et tenementa cum omnibus suis pertinenciis que dominus Johannes de Parco quondam tenuit infra libertatem nostram Dunelmensem in Wethelaune et que fiunt esca eta nostra racione guerre tenendum et habendum predicto Johanni et heredibus suis vel assignatis de nobis et successoribus nostris et ecclesia nostra Dunelmensi libere quiete bene et in pace inperpetuum faciendo nobis et successoribus nostris et ecclesie nostre supradicte servicia inde debita et consueta Et ut hec donacio firma permaneat et stabilis presentem cartam sigilli nostri munimine fecimus roborari Hiis testibus dominis Johanne de Hastynges Willelmo de Brouhouse Willelmo Martun Rogero de Munbray Petro Curbet Roberto de Reuis Roberto Hanserd Ranulpho de Frosterley Thoma Darcy Philippo Darcy et Roberto le Veneur militibus dominis Ricardo de Overtone et Willelmo le Rous clericis et aliis