Charter Document - 06460053
| Charter Number: | 06460053 |
|---|---|
| Cartulary Title: | The Records of Antony Bek. Bishop and Patriarch 1283-1311 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1295 |
| Date type: | Internal, Calendar, Episcopal |
| Resource Link(s): |
Durham Cathedral Archive - Register I (fii38v) |
Charter:
Omnibus hoc scriptum visuris vel audituris Antonius dei gracia Dunolmensis Episcopus salutem in domino sempiternam Cum Johannes de Lythegrayns et Alicia uxor eius nuper ad instanciam nostram concesserint et reddiderint Johanni Haunserd manerium suum de Wyrkersale quod prius habuerunt de dona predicti Johannis Haunserd ac idem Johannes pro concessione et reddicione predicti manerii de Wyrkesale maneria de Evenwod et de Fuley cum suis pertinenciis nobis concesserit et reddiderit tenenda nobis et successoribus nostris et ecclesie nostre Dunolmensi inperpetuum nos indemnitati dictorum Johannis de Lithegrayns et Alicie uxoris eius prospicere volentes ut tenemur concessimus dedimus et hac presenti carta nostra cirograffata confirmavimus eisdem Johanni et Alicie uxori eius quadraginta libratas annui redditus percipiendas de manerio nostro de Aluerton de nobis et successoribus nostris ad duos anni terminos medietatem scilicet ad Pascha et aliam medietatem ad festum sancti Michaelis in tota vita ipsorum Johannis et Alicie uxoris eius et alterius eorum diucius viventis vel quousque nos vel successores nostri dederimus eisdem Johanni et Alicie uxori eius quadraginta libratas terre in loco competenti tenendas de nobis et successoribus nostris et ecclesia nostra Dunolmensi in tota vita ipsorum Johannis et Alicie et alterius eorum diucius viventis ut predictum est reddendo inde annuatim nobis et successoribus nostris unum denarium tantum ad festum Pentecostes pro omni alio servicio et demanda Et nos et successores nostri predictas quadraginta libratas redditus vel dictas quadraginta libratas terre eisdem Johanni et Alicie uxori eius vel alteri eorum diucius viventi contra omnes warantizabimus in forma supradicta In [] parti istius scripti cirograffati penes dictos Johannem et Aliciam remanenti sigillum nostrum apponi fecimus et alteri parti sigilla predictorum Johannis et Alicie sunt appensa Hiis testibus dominis Johanne de Coyners Ricardo de Wauxand Ricardo de Romundeby Roberto de Nonewyk militibus Roberto de Coyners Johanne de Eyvil Johanne filio Johannis de Siggleston Willelmo de Mundevyle Ricardo de Horneby Adam de Lecke et multis aliis Dat apud Aucland vicesimo nono die Decembris anno pontificatus nostri duodecimo