Charter Document - 06460051
| Charter Number: | 06460051 |
|---|---|
| Cartulary Title: | The Records of Antony Bek. Bishop and Patriarch 1283-1311 |
| Charter Language: | Latin |
| Charter Origin: | Religious |
| Charter Type(s): | Assignment |
| Date: | 1295 |
| Date type: | Internal, A.D., Calendar, Episcopal |
| Resource Link(s): |
Durham Cathedral Archive - Register I (fii28r) |
Charter:
Universis Christi fidelibus ad quos presentes littere pervenerint Antonius permissione divina Dunelmensis episcopus salutem sempiternam in Christo Noveritis quod cum nos karissimo nostro domino Edmundo comiti Cornubie in quatuor mille et quingentis marcis sterlingorum ex causa mutui teneamur ac pro tanta gratitudine plenam ei et celerem solucionem predicte pecunie facere cupiamus volumus concedimus et assignamus de consensu capituli nostri Dunelmensis pro nobis et successoribus nostris predicto domino Comiti maneria nostra de Houeden et de Aluerton cum suis pertinenciis ad recipiendum de exitibus eorundem maneriorum per manus alicuius vel aliquorum quem vel quos idem Comes ad hoc assignare voluerit singulis annis infra quatuor annos proximo sequentes mille marcas et quinto anno quingentas marcas sterlingorum de nobis et successoribus nostris donec predicto Comiti de predicta pecunie summa plenaria fuerit satisfactum Salvis tamen nobis et successoribus nostris proficuis in eisdem maneriis ultra predictas quatuor mille et quingentas marcas remanentibus In cujus rei testimonium presente cartam sigilli nostri impressione fecimus communiri dictus Comes et nos huic scripto dentato sigilla nostra alternatim apposuimus Dat apud Foleham VI kal Septembris anno domini Millesimo CC Nonagesimo quinto et consecracionis nostre xii