Charter Document - 06460049

Nos itaque Dunolmensis episcopus provisionis predicte executor tamquam obediencie filius volentes mandatum Apostolicum nobis in hac parte directum exequi reverenter ut tenemur vobis auctoritate qua fungimur in hac parte districte precipiendo mandamus sub pena suspencionis capelle vestre et ab execucione Pontificalis officio quas suspencionum sentencias in vos proferimus ex nunc in hiis scriptis si in execucione presentis mandati nostri immo verius Apostolici post sex dies a tempore quo per procuratorium dicti domini B fueritis legitime requisiti quorum duos dies pro prima dues pro secunda et duos pro tertia et peremptoria monicione prefigimus et assignamus negligentes fueritis vel remissi quatinus ad dictam ecclesiam sancti Nicholai de Mideltone accedentes vel aliquem ydoneum loco vestri ibidem mittentes procuratorem dicti domini Bartholomei nomine ipsius in corporalem possessionem predicte ecclesie sancti Nicholai de Midelton ac jurium et pertinenti arum ejus inducatis et defendatis inductum Et si vos cuiquam de facto predictam ecclesiam contulistis seu aliquem ad presentacionem cujuscunque seu quorumcunque ad eandem ecclesiam de facto admisistis seu in eadem instituistis in rectorem vel ipsius possessionem juxta modum Anglicorum salvo jure cujuslibet tradidistis possidendam hujusmodi detentorum infra octo dies ab eadem ecclesia et ipsius possessione amoveatis ut ipsa ecclesia cum omnibus juribus et pertinenciis ejus prefato procuratori dicti domini B libera et vacua dimittatur et eundem procuratorem faciatis eandem ecclesiam cum omnibus juribus ejusdem pacifice possidere facientes eidem procuratori dicti domini B pro eo ipsius nomine de ipsius ecclesie fructibus reditibus proventibus juribus et obvencionibus universis integre responderi Nihilominus ex parte nostra eadem auctoritate omnes et singulos tam clericos quam laicos parochianos ipsius ecclesie et quoscunque cujuscunque condicionis seu status existent moneatis et efficaciter inducatis ne dictum procuratorem predicti domini B Rectoris ecclesie supradicte inpediant in aliquo vel perturbent aut quoquo modo molestent publice vel occulte quominus eandem ecclesiam cum omnibus et singulis suis juribus habeat teneat et possideat pacifice et quiete et sibi tamquam Rectori dicte ecclesie pareant in omnibus et intendant ac sibi et non alii decimas obvenciones oblaciones fructus redditus et proventus ipsius ecclesie sancti Nicholai tamquam Rectori dent liberent seu persolvant et assignent et de hiis omnibus sibi respondeant ut Rectori ecclesie supradicte generaliterque monentes auctoritate predicta ne eum in hiis impediant vel ei quoquo modo se opponant sub pena excommunicacionis quam ex nunc ut ex tunc in hiis scriptis proferimus in omnes et singulos contradictores et rebelles et in premissis seu aliquo pre missorum eidem procuratori quomodo libet opponentes seu ipsum in possessione dicte ecclesie adipiscenda et adepta pacifice per se vel alium retinenda in aliquo perturbantes seu prestantes publice vel occulte in hiis contra ipsum concilium auxilium vel favorem cujuscunque preeminencie dignitatis auctoritatis ordinis status condicionisve fuerint domino Rege et ejus liberis et conciliaris et eis adherentibus dumtaxat exceptis quominus ipsam ecclesiam cum omnibus juribus et pertinenciis ejusdem pacifice possidere valeat et habere Vobis etiam eadem auctoritate sub pena predicta man damus quatinus hujusmodi contradictores perturbatores rebelles seu detentores et quoscunque alios eorum defensores et fautores si qui fuerint generaliter cum eorum nomina didi centis nominatim etiam et expresse ex tunc auctoritate predicta quos ex nunc excommunicamus in hiis scriptis singulis diebus dominicis et festivis pulsatis campanis et candelis ascensis et extinctis excommunicatos publice et solempniter nuncietis et in hujusmodi sentencia ipso facto incidisse denunciari faciatis et ab omnibus Christi fidelibus artius evitari donec ab hujusmodi injuriis cessaverint et beneficium absolucionis per nos seu per collegas nostros quibus et nobis eorum absolucicnem qui sentencias nostras seu a vobis nostra auctoritate latas pro premissis incurrerint quoquomodo specialiter reservamus Supradictas nostras moniciones precepta sentencias ac totum processum nostrum parochianis ipsius Ecclesie vulgariter exponentes ut omnia et singula suprascripta mentaliter intelligant ut ea ne queant quomodo libet ignorare ac processum predictum litteras et instrumenta hujusmodi negocium tangentia publice legatis et omnia alia et singula faciatis que ad perfectam et integram execucionem dicti mandati nostri immo potius apostolici pertinere noscantur juxta traditam seu directam a sede apostolica nobis formam Per processum tamen hujusmodi nostrum nec volumus nec intendimus nostris prejudicare collegis quominus servato tamen processu nostro hujusmodi ipsi per se seu per alium seu alios possint in hujusmodi negocio procedere sicut de jure fuerit procedendum et eis videbitur expedire Mandatum nostrum immo verius Apostolicum super hiis et aliis exequendo juxta traditam seu directam ut premittitur a sede apostolica nobis formam ita tamen quod ipsi nec vos aliquid in ejusdem domini B prejudicium innovare vel mutare valeatis in processibus per nos habitis et sentenciis per nos latis Presentes autem litteras penes eundem procuratorem volumus remanere et sub pena excommunicacionis quam ex nunc ut ex tunc in omnes ipsas retinentes in hiis scriptis proferimus eas sibi restitui precipimus et mandamus Qualiter autem mandatum nostrum immo verius Apostolicum in hac parte fueritis executi nobis per vestras patentes litteras harum seriem continentes vel presentibus annexis constare faciatis In cujus rei testimonium has patentes litteras vobis mittimus quas fecimus sigilli nostri appensione muniri Data apud Cestriam x die mensis Aprilis Anno domini MCC Nonagesimo quinto et consecracionis nostre xij