Charter Document - 06460041
| Charter Number: | 06460041 |
|---|---|
| Cartulary Title: | The Records of Antony Bek. Bishop and Patriarch 1283-1311 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1284 - 1294 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis hoc presens scriptum visuris vel audituris A permissione divina Dunelmensis episcopus salutem in domino sempiternam Noverit universitas vestra nos dedisse concessisse et presenti carta nostra confirmasse dilecto et fideli nostro Waltero de Bermeton pro homagio et servicio suo unum toftum sexies viginti et septem acras terre de vasto nostro in campo de Wotton Escoumbe et Stanehoppe quarum quadraginta quatuor acre iacent ex australi parte domus dicti Walteri et quinque acre in Mouleswode ex utraque parte eiusdem terre quam dictus Walterus habuit de dono Walteri de Mouleswode et quinque acre apud le Wytewomore et tres decem acre de Blakeborne et viginti et sex acre in campo de the Heavays iuxta terram Ricardi de Chesewyk et sex acre in Pogesfeld ex orientali parte de Hertekelde et viginti et septem acre in Bothelinghoppe apud Oxensorcheker et una acra et unum toftum super hogam in Stanehoppe ex occidentali parte castri de Stanehoppe Habenda et tenenda eidem Waltero et heredibus suis in suo separati omni tempore anni de nobis et successoribus nostris et ecclesia nostra Dunelmensi libere quiete integre bene et in pace cum omnibus libertatibus et aysiamentis locis vastis et planis predicte terre pertinentibus Reddendo inde annuatim nobis et successoribus nostris ad scaccarium nostrum Dunelmi sexaginta duos solidos et tres denarios sterlingorum ad quatuor anni terminos in episcopatu nostro constitutes et faciendo forinsecum servicium quantum pertinet ad quadragesimam partem feodi unius militis pro omnibus aliis serviciis tallagiis consuetudinibus sectis curiarum et molendinorum exaccionibus et demandis secularibus Concedimus etiam eidem Waltero quod habeat in tota vita sua de foresta nostra Husebote et Hayebote et ad edificia sua construenda per visum Forestariorum nostrorum et quod quietus sit de pannagio propriorum porcorum suorum quos non adquisierit contra pannagium nostrum Heredes vero dicti Walteri dabunt decern solidos argenti pro relevio suo quocienscumque ipsos contigerit predictam terram relevare In cuius rei testimonium presentes litteras sigillo capituli nostri fecimus communiri Hiis testibus magistro Willelmo de sancto Botulpho tunc senescallo nostro Dunelmensi dominis Roberto de Hylton Johanne Marmeduck Gwyschardo de Charron Willelmo de Eaton Gilberto de Heworth Henrico Springge militibus Johanne de Malton Willelmo Pollard Thoma le Chaunceler Johanne de Bradewode Rogero de Fulethorpe Rogero de Claxton Galfrido de Henneknoll Willelmo de Aukland Henrico Bernard Thoma de Lasceles Hugone de Bycheborne Willelmo de Bincestre Thoma de Eggleston et multis aliis