Charter Document - 06460037
| Charter Number: | 06460037 |
|---|---|
| Cartulary Title: | The Records of Antony Bek. Bishop and Patriarch 1283-1311 |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1293 |
| Date type: | Assigned |
| Resource Link(s): |
Durham Cathedral Archive - Register II (f353v) |
Charter:
Universis Sancte matris ecclesie filiis ad quos presentes litere pervenerint Antonius permissione Dunelmensis episcopus salutem in Domino sempiternam Pastoralis officii debitum Domino credimus exhibere cum ad ecclesie sue non solum circa temporalia commoda procuranda sed etiam circa divini cultus augmentum nostre sollicitudinis studium et curam extendimus diligentem ut dum divina obsequia majori veneratione Domino persolvuntur fidelium devotio erga ecclesiam ferventius excitetur et ipsum divinum obsequium cum suis ministris ampliori reverentia extollatur pariter et honore Cum igitur ecclesiam Sancte Andree de Aukland collegiatam nostre dioecesis que ad nos pleno jure dinoscitur pertinere non solum numero prebendarum set etiam facultatibus abundanter noverimus decrevisse nullusque canonicorum seu prebenda ariorum ejus ecclesie in eadem ecclesia residere hactenus sit inventus vel qui alium pro se curaret ponere servitorem quanquam utilitas et honestas id exposcerent et ipsarum prebendarum ad hoc suppeterent facultates hoc solum pro excusationis velamento pretendentes quod domos ibidem non habeant vel arcas competentes in quibus sibi possent construere mansiones propter quod nos meditationis assiduitate augemur et pulsamur qualiter ejusdem ecclesie honori prospicere valeamus de consensu magistri Roberti de Albuwyke perpetui vicarii de Aukland et omnium canonicorum seu prebenda ariorum ejusdem ad ordinationem infrascripta decernimus procedendum