Charter Document - 06460033
| Charter Number: | 06460033 |
|---|---|
| Cartulary Title: | The Records of Antony Bek. Bishop and Patriarch 1283-1311 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1291 |
| Date type: | Internal, A.D., Feast |
| Resource Link(s): |
|
Charter:
Omnibus Christi fidelibus ad quos presens scriptum pervenerit Antonius Dei gratia Dunelmensis episcopus salutem in Domino sempiternam Noverit universitas vestra nos dedisse concessisse et presenti carta nostra confirmasse dilecto valeto nostro Waltero de Burton pro servitio suo quadraginta acras terre vasti nostri in mora que vocatur Wytemore que se extendit per has divisas videlicet inter Gaunles extendendo versus aquilonem usque Noruhouse et versus orientem inter Wattelingstrete usque ad terram Johannis Coygners de Aukland Sancte Helene versus occidentem habendum et tenendum dicto Waltero heredibus suis et suis assignatis de nobis et successoribus nostris et ecclesia nostra Dunelmensi libere quiete et pacifice in perpetuum reddendo inde per annum nobis et successoribus nostris ad saccariam nostrum Dunelmense unam marcam argenti ad quatuor anni terminos in episcopatu nostro statutos videlicet pro acra quatuor denarios Et heredes dicti Walteri et sui assignati reddent nobis et successoribus nostris annuatim ad saccariam nostrum Dunelmense duas marcas argenti pro acra octo denarios terminis supradictis pro omnibus secularibus servitiis et de mandis Quare volumus et concedimus pro nobis et successoribus nostris quod predictus Walterus heredes sui et sui assignati habeant et teneant predictas quadraginta acras terre cum suis pertinentiis libere quiete pacifice in forma superius prenotata In cujus rei testimonium sigillum nostrum presentibus duximus apponendum Datum Londinii in crastino Epiphanie Domini anno Gratie MCC nonagesimo primo Hiis testibus magistris W de Sancto Botulpho Ada de Driffeld dominis Thoma de Leuesham Ricardo de Hoverton clericis Gilberto de Heworth milite Waltero de Bermeton Willelmo Pollard Willelmo de Lonesdal Waltero de Lutryngton et aliis