Charter Document - 06460032
| Charter Number: | 06460032 |
|---|---|
| Cartulary Title: | The Records of Antony Bek. Bishop and Patriarch 1283-1311 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1284 - 1310 |
| Date type: | Assigned |
| Resource Link(s): |
Durham Cathedral Archive - Register I (fii28v) |
Charter:
Omnibus Christi fidelibus ad quos presens scriptum pervenerit Antonius dei gracia Dunelmensis Episcopus eternam in domino salutem Noveritis nos ratas et gratas habere donaciones concessiones et confirmaciones quas bone memorie predecessores nostri Nicholaus Walterus et Robertus Dunelmenses episcopi fecerunt karissimis in Christo filiis priori et conventui Dunelmensibus super terris et boscis de Hosleyhope Dewshelm Muclingeswyk et Beaurepaire cum omnibus suis pertinenciis secundum divisas contentas in cartis dictorum predecessorum nostrorum quas iidem prior et conventus inde habent plenius confectas et per cartam illustris quondam regis Anglie Henrici filii regis Johannis similiter confirmatas cum omnibus libertatibus liberis consuetudinibus introitibus et exitibus et aisiamentis ubique infra et extra prenominatis dictis terris et boscis pertinentibus sine ullo impedimento inperpetuum secundum eciam divisas suas prius factas et usitatas inclusas teneant in eisdem feras imponant habeant et pacifice gaudeant ac omnimodum proficuum suum pro eorundem disposicione inde faciant libere in pace et sine omni inquietacione inperpetuum ita quod nullus alius dictas terras aut boscos quoquomodo causa venandi feras capiendi clausuras ipsas infringenda seu aliquid aliud nocumentum ibidem perpetrandi absque voluntate et expresso eorundem consensu quandoque ingrediatur Volumus insuper et concedimus pro nobis et successoribus nostris quod si prefati prior et conventus aut eorum successores terram de tenura Prioris de Fynchall que iacet inter boscum de Beaurepayre et viam regiam qua itur de Aldingrygge versus Esse adquirant eandem similiter includant et ut in ceteris terris suis et boscis supranominatis per omnia statuant et comodum suum inde faciant In cujus rei testimonium presente cartam sigilli nostri impressione fecimus communiri