Charter Document - 06460028

Omnibus hanc cartam visuris vel audituris Johannes de Lytlegraynes et Alicia uxor ejus salutem in Domino sempiternam Noveritis nos pro salute animarum nostrorum antecessorum nostrorum et pro salute anime Domini Edwardi Dei gratia illustris Regis Anglie et heredum suorum necnon et pro salute anime Domini Antonii eadem gratia Dunelmensis Episcopi et successorum suorum et pro animabus omnium fidelium defunctorum dedisse concessisse et hac presenti carta nostra confirmasse Deo et beate gloriose virgini Marie in cujus nomine et honore quamdam capellam in manerio nostro de Laysingby construi et fundari fecimus et domino Waltero de Preston capellano totum manerium nostrum de Laysingby cum omnibus suis pertinentiis ut in dominicis villenagiis cum villanis et eorum sequelis et catallis omnibus reditibus pratis pasturis moris mariscis turbariis stagnis aque vivariis et molendinis cum omnibus pertinentiis suis in liberam puram et perpetuam elemosinam inperpetuum quem quidem presbiterum predictorum manerii et capelle constituimus et facimus magistrum perpetuum habendum et tenendum eidem magistro et successoribus suis presbiteris ibidem Deo servituris ad sustentationem sex capellanorum ibidem Deo serviturorum et divina celebrantium prout inferius continetur libere quiete bene et in pace cum omnibus suis pertinentiis in liberam puram et perpetuam elemosinam inperpetuum Ita tamen quod si contingat prefatum magistrum vel quemcunque alium ipsius loci magistrum in vita nostra seu ulterius nostrum cedere vel decedere vel culpis suis exigentibus amoveri bene licebit nobis et utrique nostrum in tota vita nostra et utriusque nostrum infra xl dies post cessum vel decessum seu amotionem cujuslibet magistri predictorum manerii et capelle loco suo alium ydoneum presbiterum ipsorum manerii et capelle facere et constituere pro libito nostro magistrum perpetuum Et si forte quod absit infra illos xl dies quantum in nobis est ipsorum manerii et capelle alium magistrum non fecerimus bene licebit Domino Episcopo Dunelmensi qui pro tempore fuerit unum presbiterum ydoneum predictorum manerii et capelle facere et constituere magistrum illa vice ita tamen alias cum vacaverit in vita nostra vel alter utriusque nostrum nobis nec alterutri nostrum non cedat in prejudicium quominus ipsorum manerii et capelle alium possumus facere et constituere magistrum Et volumus quod predicti capellani per prefatum magistrum et successores suos eligantur et quotienscunque necesse fuerit per eundem amoveantur et alii suis locis ponantur qui sunt honesti casti sufficienter literati et bene morigerati Et singuli magistri primo die introitus sui jurent de personali residentia facienda et fidelitate domini in omnibus observanda terras et tenementa calices libros vestimenta et omnia alia ornamenta et alia bona quecunque ad dictas domum et capellam spectantia quantum in eis est salve et fideliter custodienda et custodiri facienda et singuli capellani in suo introitu idem prestent sacramentum quamdiu ibidem sint moraturi omnes et presbiteri cum sanitate gaudent singulis diebus simul in predicta capella pro animabus nostris et omnium antecessorum et successorum nostrorum Regum et episcoporum predictorum necnon et omnium fidelium defunctorum divina et omnes horas canonicas una cum placebo et dirige cantent et celebrent Ita quod una missa de beata Maria Virgine in predicta capella et una de die et tres misse pro animabus nostris et animabus omnium fidelium defunctorum et una missa pro anima domini Antonii Episcopi Dunelmensis et successorum suorum Episcoporum Dunelm in capella Beati Johannis Baptiste singulis diebus celebrentur Concedimus etiam Deo et ecclesie Sancti Cuthberti Dunelm quod post obitum utriusque nostrum Episcopus Dunelmensis qui pro tempore fuerit et omnes ejus successores Episcopi ejusdem loci inperpetuum loco cujuslibet Magistri predictorum manerii et capelle cedentis vel decedentis seu culpis ejus exigentibus amoti alium presbiterum discretum et honestum ipsorum manerii et capelle faciat et constituat magistrum curam illius loci gerentem qui similiter juret se suo perpetuo ibidem residere nisi urgentibus negotiis loci illius ac manerii ipsum abesse oporteat vel contingat Et nos Johannes et Alicia et heredes nostri totum predictum manerium cum omnibus pertinentiis suis predictis magistro et sacerdotibus ibidem Deo servituris prout plenius pernotatur contra omnes homines warantizabimus acquietabimus et defendemus inperpetuum Et ut presens concessio et donatio nostra Deo et beate Marie Virgini ac magistro et presbiteris ibidem Deo servituris in forma qua superius notata stabiles et irrevocabiles inperpetuum permaneant excludimus omnibus heredibus nostris per presens scriptum et donum nostrum omnem viam et omnimodum jus et clameum quod per quodcunque breve vel quacunque actione ratione vel occasione eis competere possit petendi vendicandi vel clamandi predictum manerium cum pertinentiis vel ali qualem partem ejusdem inperpetuum Et in perpetuum testimonium hujus rei ac majorem securitatem faciendam presenti scripto sigilla nostra apposuimus his testibus dominis Willelmo de Colvyle Ricardo de Romunby Ricardo de Waxhaud Johanne Hamisald Marmeduco Darell militibus Johanne Dayvylle de Distone Willelmo de Smythone Willelmo de Amundville Alano Norreys Nicholao de la Lound Ricardo de Thornetone Stephano Maunsell de Aluerton Hugone de Otryngtone Johanne Clerico Nicholao Astyn Willelmo de Aslakby et aliis Datum apud Laysingby die dominica proxima post festum Sanctorum Tiburtii et Valeriani Martirum Anno regni Regis Edwardi xviii