Charter Document - 06460021
| Charter Number: | 06460021 |
|---|---|
| Cartulary Title: | The Records of Antony Bek. Bishop and Patriarch 1283-1311 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1290 |
| Date type: | Internal, A.D., Calendar |
| Resource Link(s): |
|
Charter:
Universis ad quorum noticiam presens scriptum pervenerit Johannes de Baliol heres regni Scocie salutem Noveritis quod cum nuper deder[imus] concesserimus et per cartam nostram confirmaverimus dilecto nostro domino Antonio Dei gracia Dunelmensi Episcopo manerium de Werk in Tynd[al] in Comitatu Northumbrie et manerium de Penreth et omnia alia maneria terras et tenementa cum pertinenciis suis que nobilis vir Alexander [illustris Rex Scocie] tenuit in Comitatu Comberlandie volumus et concedimus pro nobis et heredibus nostris quod si dominus Edwardus [illustris] Rex Anglie huiusmodi donacionem ratam non habuerit et acceptam nos eidem Antonio et heredibus suis Quingentas ma[rcatas terre] in regno Scocie in loco competenti dabimus et per cartam nostram confirmabimus per consideracionem et estimacionem vir[orum probatorum et] legalium estimatas Ad que omnia fideliter facienda et complenda obligamus nos heredes nostros et omnes terras [nobis] obvenientes racione successionis in regno Scocie supradicto In cujus rei testimonium presenti scripto in modum Cyrographi confecto cuius una pars penes nos et alia pars residet penes Episcopum supradictum sigilla nostra alternatim sunt apposita Dat apud Gatesheued xvii kal Decembris anno domini MCC Nonagesimo