Charter Document - 06460020
| Charter Number: | 06460020 |
|---|---|
| Cartulary Title: | The Records of Antony Bek. Bishop and Patriarch 1283-1311 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1290 |
| Date type: | Internal, Episcopal, Feast |
| Resource Link(s): |
Durham Cathedral Archive - Register I (fii33r) |
Charter:
Omnibus Christi fidelibus ad quos presens scriptum pervenerit A dei gracia Dunelmensis Episcopus salutem in domino Noveritis nos dedisse concessisse et hac presenti carta nostra confirmasse Willelmo filio Benedicti de Derlington pro homagio et servicio suo quatuor acras tres rodas et quatuor perticatas terre nostre iacentes in campo orientali de Derlington iuxta partem australem parci nostri super Biscopflat de dominicis et bondagiis nostris in excambium unius pecie terre que fuit predicti Willelmi quam infra parcum nostrum de Derlington de nova inclusimus Tenendam et habendam predictam terram separabiliter de nobis et successoribus nostris sibi et heredibus suis vel suis assignatis per eadem servicia et per eandem firmam per quas aliam terram suam de predecessoribus nostris tenuit libere quiete integre et pacifice cum omnibus libertatibus et liberis consuetudinibus que ad aliam terram suam aliquo modo pertinent absque omni alio servicio consuetudine exaccione auxilio vel demanda seculari Et ut hec nostra donacio concessio et presentis carte nostre confirmacio rata stabilis et inconcussa inperpetuum permaneat huic carte sigillum nostrum apponi fecimus Hiis testibus magistro Willelmo de sancto Botulpho tunc senescallo nostro Dundmensi domino Petro de Thoresby tunc cancellario nostro domino Guychardo [de] Charron tunc vicecomite nostro dominis Johanne Marmeduc Gilberto de Heuurth Ricardo de Chartenay Hugone de Burdon militibus Willelmo Redhod de Derlington Petro clerico Willelmo de Ruley Radulpho de Groys Gilberto de Graystane Johanne de Blacwell Hugone fratre suo et multis aliis Dat apud Dunelmum die lune proxima ante festum sancti Mathei apostoli et euuangeliste per manum magistri Willelmi de sancto Botulpho senescalli nostri anno consecracionis nostre septimo