Charter Document - 06460015
| Charter Number: | 06460015 |
|---|---|
| Cartulary Title: | The Records of Antony Bek. Bishop and Patriarch 1283-1311 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1286 - 1289 |
| Date type: | Assigned |
| Resource Link(s): |
|
Charter:
Excellentissimo principi et domino suo domino Edwardo dei gracia Regi Anglie Domino Hibernie et Duci Aquitanie Antonius eadem gracia Dunelmensis Episcopus tanto domino debitam reverenciam et honorem Quia Walterus de Edeligham miles Ricardus de parva Tussan et Willelmus dictus Malefauter nostre dioecesis per nos auctoritate ordinaria ob ipsorum contumaciam et manifestam offensam maiori excommunicacionis sentencia canonice innodati in ea per xl dies et amplius animo indurato pertinaciter in durarunt et adhuc claves ecclesiasticas contempnendo dampnabiliter perseverant vestram regiam maiestatem attencius petimus pariter et rogamus quatinus ad insollenciam dictorum rebellium reprimendam iuxta optentam et approbatam regni vestri consuetudinem vestre regalis potencie brachium velitis extendere contra eos ut quos ecclesiastice censure timor a malo non revocat sccularis potestas coherceat acrius et compescat Conservet vestram potenciam Altissimus per tempora prospera et votiva Dat []