Charter Document - 06460009
| Charter Number: | 06460009 |
|---|---|
| Cartulary Title: | The Records of Antony Bek. Bishop and Patriarch 1283-1311 |
| Charter Language: | Latin |
| Charter Origin: | Religious |
| Charter Type(s): | Permission |
| Date: | 1288 |
| Date type: | Internal, A.D., Calendar, Episcopal |
| Resource Link(s): |
Durham Cathedral Archive - Register I (fii27v) |
Charter:
Pateat universis sancte matris ecclesie filiis quod nos Antonius dei gracia Episcopus Dunelmensis concedimus de zelo pietatis et de nostra gracia speciali ut ob onera pias elemosinas et grata indigencium subsidia que dilecti et precordiales in Christo filii Willelmus de Mydlesburg Prior et conventus de Gyseburn agnoscunt onerose et supportant multipliciter hiis diebus idem Willelmus et conventus vicariam ecclesie de Hert nostre dioecesis cum obvencionibus solitis et pertinenciis ad vitam eiusdem Willelmi prioris in presenti quem visceraliter amplectimur et diligimus in usus relevacionis eorundem libere retineant et convertant ita quod eidem vicarie per duos honestos et discretos canonicos faciant interim congrue debite et assidue de serviri et hospitalitatem pauperum in eadem vicaria quatenus poterunt observari Nolumus tamen quod prior conventus de Gyseburn aut canonici ibidem deservientes possint post decessum predicti Willelmi nunc Prioris eorundem quicquam iuris vel usus in eadem vicaria ex huiusmodi gracia vendicare set in decessu vel cessione ipsius Willelmi eam vicariam volumus et decernimus prorsus vacare adeo quod nisi ad ipsam a tempore decessus vel cessionis huiusmodi infra tempus a canone prefinitum canonice presentaverint ex tunc ad nos sive successores nostros ius conferendi per lapsum temporis libere devolvatur In quorum omnium testimonium huic scripto duplicato et penes nos et predictos priorem et conventum de Gyseburn pro partibus remanenti nostrum et ipsorum sigilla mutuo apponuntur Dat Dunelmi IIII Kal Aprilis anno domini Millesimo Ducentesimo Octogesimo octavo et consecracionis nostre quinto