Charter Document - 06460006

Universis Sancte matris ecclesia filiis presens scriptum visuris vel audituris Antonius permissione divina Dunelmensis episcopus ad futuram memoriam Plures rivuli qui ab uno fonte procedunt aqua tumorem evacuant fontis tamen valorem non minuunt aut decorem immo ex se usum producere tanto placidiorem fons ipse dinoscitur quanto pluribus locis aride sitis molestia fatigatis effuso gurgite aque copiam ulterius subministrat illa quoque matrona despicabilis non habetur sed potius laude digna quam etsi frequens conceptus extenuet secunda tamen honorificat procreatio filiorum sic utique una ecclesia sui titulum non prodit honoris si ex sui abundancia plures beneficiorum solatio consoletur immo tanta nobilior est censenda quanto ei deseruit ministrorum amplior famulatus Sane cum super ecclesia de Cestre nostras dioecesis nobis pleno jure subjicitur utpote ad nostrum spectans patronatum variis dudum questionibus et controversiis emensis inter dominum Walterum de Clifford clericum se pro rectore ejusdem ecclesie tunc gerentem ex parte una ac magistrum Alanum de Esingwalde ex altera asserentem dictum Walterum per bone memorie dominum Robertum predecessorum nostrum immediatum eadem ecclesia fuisse et esse sententialiter ex certis et legitimis causis privatum eamque sibi ab eodem predecessore nostro canonice fuisse collatum sicque varii et diversi processus judiciales tam auctoritate delegata quam ordinaria non absque gravi discrimine et tam corporum quam animarum periculo fuissent hinc inde diutius agitati tandem partes antedicte coram nobis presentialiter constituta nolentes tam periculosis licium amfractibus ulterius implicari submiserunt ordinationi nostras ecclesiam illam cum capellis terris fructibus et obventionibus universis ad eandem pertinentibus et totum jus quod eis competiit vel competere potuit in eadem processibus habitis inter eos renunciantes expresse promittentes nihilominus se ratum habere quicquid per nos ordinatum statutum seu provisum fuerit in premissis inque perpetuis temporibus inviolabiliter observare Attendentes igitur predicta ecclesie de Cestre que ad nostrum spectare dinoscitur patronatum parochiam esse diffusam et proventuum redditus abundantes adeo quod ad plurium sustentationem sufficiunt ministrorum eam quoque paucos hactenus habuisse servitores ex quo divinis multociens fraudebatur obsequiis et in ipsius parochia diffusa cura negligebatur dampnabiliter animarum qua tamen post ecclesiam nostram Dunelmensem inter ceteras ecclesias nostras dioecesis tipum gerit dignis honoribus excolenda utpote quoniam sanctum et reverendum corpus beati Cuthberti patroni nostri quod per centum et quindecim annos inibi presentialiter conquievit quadam prerogativa specialiter insignivit Considerantes etiam utilitatem evidentem et motivam ad ordinationem subsequentem videlicet divini cultus augmentum et salutis animarum uberi orum profectum urgentem insuper necessitatem in hac parte propensius ponderantes quam evidenter perpendimus ex defectu et raritate jurisperitorum et consiliariorum in nostri dioecesi ad quos in magnis et arduis ecclesia nostre negotiis habere poterit impellente necessitate recursus de capituli nostri Dunelmensis expresso consensu acceptata submissione predicta et circumstanciis universis plenius intellectis in nomine Domini nostri Jhesu Christi ordinamus in hunc modum Videlicet Quod predicta ecclesia de Cestre ex tunc collegiata existat et sint in eadem de cetero unus decanus et septem prebende ita quod decanus sit perpetuus in ordine sacerdotali curam gerens insolidum animarum et residentiam ibidem continue faciens personalem inveniat duos capellanos idoneos conformes in habitu vicariis canonicorum pro cura hujusmodi sollicite supportanda aliosque minores clericos habeat ad serviendum ecclesie competenter omnia ipsius onera ordinaria supportando cancellum cum indiguerit reficiendo et sustinendo Ad nova tamen fabricationis vel constructionis opus minime teneatur Capellis insuper de Taunefeld et Lameley faciat per ministros idoneos de serviri Ad quas omnia et singula supportanda volumus et firmiter statuimus quod decanatu obventiones totius altar agii tam in ecclesia de Cestre quam capellis antedictis videlicet mortuarionum lane agnorum lactis vitulorum fenorum lini canabi gallinarum aucarum porcellorum et omnium minutarum personalium decimarum unacum redditu et curia tenentium ecclesie in villa de Cestre et de Walrigge et tota terra dominica de Hervertone totaliter applicentur Messuagia etiam ad predictas capellas de Lameley et de Taunfeld spectantia cum curiis et terris suis dominicis eidem decanatui assignavimus hoc excepto quod utriusque loci prebendarii habebunt quandam portionem seu partem curie arbitrio nostro limitandam in qua poterunt competenter reponere sua blada Habeat etiam decanus piscariam in ripa de Were et decimam piscarias Ad hoc quilibet prebendariorum qui tres primas habent prebendas inveniat suis sumptibus unum vicarium capellanum et de aliis quatuor residuis singuli habeant vicarium diaconum in ipsa ecclesia ministrantes in habitu canonicali et modum psallendi teneant secundum morem ecclesie Eborum vel Sarum Singuli autem sint ebdomadarii in suo statu secundum ordinem vicis sue juxta dispositionem decani qui sicut in cura parochiali sic in hiis que ad divinum spectant officium ordinet corrigat choram regat et disponat ac etiam in hiis puniat transgressores matutinas quoque mane dici propter parochianos volumus et manda mus Et ne discordiam pariat communitas set singuli suis finibus sint contenti prebendas illas taliter duximus distinguendas videlicet quod ad primam prebendam pertineant decime prediales universe de Magna Lumely Parva Lumeley Lamptone Wodesende ac etiam decime mine carbonum Ad secundam prebendam de Lameley Kiblesworth Ravenesworth Dervecrok Hedley Ladesheved terra de Fugers Raveneshelme et Neuhuses Ad tertiam de Peltone Pokeley Pelawe Pikelre Tribeley Edmanfley Sterestey et Nettelwrth Ad quartam de Cestre et Wythill Ad quintam de Taunfeld Lince Croke Taunfeldleye Stanley Stanleyhall Caldesete et Steles Ad sextam de Birteley Hervertone Mora et de Hardone Ad septimam de Urpathe Ulkestane et de Twyfles Totum autem residuum parochie de Cestre videlicet decimas prediales de Plauworth et de Walrigge et omnium vastorum tam in haya quam alibi in eadem parochia redimendorum ad culturam communem residentium assignamus et inter ipsos duntaxat equaliter dividantur qui per tres menses ad minus in anno continue vel interpolatim in ecclesia ipsa residentiam fecerint personalem ita quod in festo Pentecostes fiat eorundem proventuum communium distributio et qui pro medietate temporis antedicti personaliter residerunt pro rata medietatis hujusmodi distributionem percipiant proportionaliter de communa de residuo temporis illius nichil penitus percepturi nisi omnes ejus partes integraliter compleverint residendo Ordinamus insuper quod decima pars portionis cujuslibet non residentis residentibus assignetur ei si nullum residere contigerit hujusmodi partes decime in usus ecclesie vel in usus pauperum degentium infra limites prebendarum non residentium convertantur Area autem ecclesie ad inhabitandum inter decanum et tres prebendarios primos juxta nostrum arbitrium dividatur Ne etiam de ordine sedendi vel procedendi contentio oriatur statuimus ut post primum stallum ex parte australi quod nobis et successoribus nostris in signum preeminente specialiter reservamus Prebendarius prima prebende optineat primum locum Prebendarius tertia prebende optineat secundum Prebendarius quinte prebenda quartum Ex parte vero boreali decanus ecclesie optineat primum locum Prebendarius secunda prebenda secundum locum prebendarius quarte tertium et prebendarius sexte prebenda quartum et eundem ordinem observent invicem in procedendo Hanc autem ordinationem concurrente consensu capituli nostri ad honorem Dei et ecclesie Christi factam statuimus perpetuis temporibus inviolabiliter observandam authoritate dignitate et potestate ecclesie nostras Dunelmensi et successorum nostrorum in omnibus semper salvis In cujus rei perpetuum firmitatem sigillum nostrum presentibus est appensum Actum et datum apud Aukeland quinto idus Novembris anno gratie MCCLXXXVI et consecrationis nostre anno tertio