Charter Document - 06460004
| Charter Number: | 06460004 |
|---|---|
| Cartulary Title: | The Records of Antony Bek. Bishop and Patriarch 1283-1311 |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1285 |
| Date type: | Internal, A.D., Calendar |
| Resource Link(s): |
|
Charter:
Universis Christi fidelibus presentes litteras visuris vel audituris Antonius permissione divina Dunolmensis episcopus salutem in domino omnium salvatore Ut ex deprecacione vivorum quiescentes in Christo se senciant relevari et ipsi viventes per ea que in carne gesserint remissionem accipere mereantur peccatorum parochianos nostros per indulgenciarum allectiva ad orandum pro defunctis excitamus De dei igitur omnipotentis misericordia et beate Marie virginis gloriosi confessoris Cuthberti omniumque sanctorum meritis confidentes omnibus parochianis nostris et aliis quorum dioecesani hanc nostram indulgenciam ratam habuerint de peccatis suis vere contritis et confessis qui pro animabus domini Matthei Huse et Agnetis uxoris sue et Johanne et Margarete quondam uxorum domini Henrici Huse corpora quorum Matthei in ecclesia conventuali de Dereforde Agnetis in claustro fratrum predicatorum London Johanne et Margarete in ecclesia predicta de Dereforde requiescunt humata ac pro animabus omnium fidelium defunctorum oracionem dominicam cum salutacione beate virginis dixerint mente pia quadraginta dies de iniuncta sibi penitencia misericorditer relaxamus Dat apud Hertelegh VII Id Augusti Anno domini MCC Octogesimo Quinto