Charter Document - 06460003

Antonius permissione divina Dunelmensis episcopus dilecto in Christo filio magistro Johanni de Cravene presbytero salutem gratiam et benedictionem Cupientes utilitate et indemnitati ecclesia de Langecestre nostre dioecesis vacantis per mortem magistri Alexandri de Alvertone quondam rectoris ejusdem prospicere cautius ut tenemur tibi de cujus industria circumspectu plenam in Domino fiduciam optinemus defensionem ac tuitionem illius ecclesie cum suis juribus et libertatibus et pertinentiis universis tempore vacationis ejusdem committimus et tenore presentium te legitimum ejusdem constituimus defensorem dantes tibi plenam et liberam potestatem in causis et negotiis dicta ecclesie agendi defendendi appellandi appellationes pro sequendi de calumpnia et de veritate dicenda ac quodlibet aliud genus liciti sacramenti quotiens opus fuerit juramentum prestandi status ipsius reformationem et in integram restitutionem petendi et recipiendi de bonis obventionibus proventibus statu et juribus ac ipsius pertinentiis quibus cunque libere disponendi et omnia alia faciendi que statum ipsius ecclesia in judicio vel extra qualitercunque contingunt et que per verum et legitimum defensorem poterunt expediri ratificantes quicquid per te nomine predicta ecclesie actum seu procuratum fuerit in premissis Hec omnibus quorum interest innotescimus per presentes que sigilli nostri munimine fecimus communire Data apud Middelham octavo kalend Aprilis anno gratie MCCLXXXIIJ Predicto itaque defensore in nostra presentia personaliter constituto habito quoque tractatu solemni et diligenti qui in ordinationibus et concessionibus perpetuis rerum ecclesiasticarum exigitur quia predicte ecclesia parochiam esse diffusam et proventuum redditus abundantes esse conspicimus adeo quod ad plurium sustentationem sufficiunt ministrorum eam quoque paucos hactenus habuisse servitores ex quo divinis multociens fraudabitur obsequiis et in ipsius parochia diffusa cura negligebatur dampnabiliter animarum Considerantes insuper utilitatem evidentem et motivam ad ordinationem subsequentem videlicet divini cultus augmentum et salutis animarum uberiorem profectum ingentem etiam necessitatem in hac parte propensius ponderantes quam evidenter perpendimus ex defectu et raritate jurisperitorum et consiliariorum in nostra dioecesi ad quos in magnis et arduis ecclesie nostre negotiis habere poterit impellente necessitate recursus auditis et plenius discussis hiis quas per dictum defensorem pro jure et utilitate ipsius ecclesia de Langecestre allegata fuerunt et preposita coram nobis ac universis circumstantiis apertius intellectis de capituli nostri Dunelmensis ac sepe dicti defensoris legitimi voluntate et assensu in nomine Domini nostri Jhesu Christi ordinamus in hunc modum videlicet Quod predicta ecclesia de Langecestre ex nunc collegiata existat et sint in eadem de cetero unus decanatus et septem prebenda ita quod decanus sit perpetuus in ordine sacerdotali curam gerens in solidum animarum ac residentiam ibidem continue faciens personalem inveniat duos capellanos idoneos conformes in habitu vicariis canonicorum pro cura hujusmodi sollicite supportanda onera omnia ordinaria ipsius ecclesia agnoscendo cancellum cum indiguerit reficiendo et sustinendo ad nova tamen fabricationis opus minime compellatur Capellis etiam de Essche Medmesley et Helay per competentes ministros faciat deserviri ad que omnia et singula congrue supportanda volumus et firmiter statuimus quod decanatum obventiones totius altar agii tam in ecclesia de Langecestre quam in capellis antedictis videlicet mortariorum lane agnorum lactis vitulorum pullanorum gallinarum aucarum porcellorum lini canabi fenorum et omnium minutarum et personalium decimarum unacum terris pratis dominicis serviciis reditibus et curiis omnium tenentium de ecclesia cum pensionibus de Colierley et de Sateley totaliter applicentur Messuagia vero ad predictas capellas spectantia cum curiis et terris suis eidem decanatum assignamus hoc excepto quod earundem prebendarum singuli capellarum habebunt quandam portionem seu partem aree in qua poterunt reponere blada sua Ad hoc quilibet prebenda ariorum qui tres primas habent prebendas inveniant suis sumptibus unum vicarium capellanum et de aliis quatuor residuis singuli habeant vicarium in sacris ordinibus constitutum et ministrent ecclesie in habitu canonicali et modum psallendi teneant secundam morem ecclesia Eborum vel Sarum Singuli etiam sint ebdomadarii in suo statu secundum ordinem vicis sue secundum dispositionem decani qui sicut in cura parochiali sic in hiis que ad divinum spectant officium ordinet corrigat chorum regat et disponat ac etiam in hiis puniat transgressores Matutinas insuper mane dici propter parochianos volumus et ordinamus Et ne discordiam pariat communitas set singuli suis finibus sint contenti prebendas illas taliter duximus distinguendas videlicet quod ad primam prebendam pertineant decime prediales universe de Essche Corneshows Hedley Hamsteles Inferiori Hamsteles Superiori Bromsheles et terra Mathei Forestarii Ad secundam prebendam de Medmesley Hussetres Kighou Bursblades Billingside Bradeley et Croke Ad tertiam de Grenecrofte Holmside Colpyel Steley Buclesfeld terra fabri et Scatigurley Ad quartam de Langeley Riddinge Stubbileye Brome Notesteles Brunhope Langecestre et Pecke Ad quintam de Helay Conkesheved et Kyncheley Ad sextam de Yenestane et Benefeldside Ad septimam de Morileys Neubigginge Hurtibuke et Fordes Area autem ecclesie cum edificiis inter decanum et canonicos ad inhabitandum juxta nostrum arbitrium dividatur Ne autem de ordine sedendi vel procedendi contentio oriatur statuimus ut post primum stallum ex parte australi quod nobis et successoribus nostris in signum preeminenti specialiter reservamus prebendarius prime prebende optineat primum locum prebendarius tertie prebende secundum prebendarius quinte prebende tertium prebendarius septima quartum Ex parte vero boreali decanus ecclesie retineat primum locum prebendarius secunde prebende secundum locum prebendarius quarte prebende tertium et prebendarius sexta quartum Et eundem ordinem servent invicem procedendo Hanc autem ordinationem nostram concurrente consensu capituli nostri Dunelmensis ut premittitur ad honorem Dei et ecclesie Christi factam statuimus perpetuis temporibus inviolabiliter observandam auctoritate dignitate et potestate ecclesie nostre Dunelmensis et successorum nostrorum in omnibus semper salvis In cujus rei perpetuam firmitatem sigillum nostrum presentibus est appensum Actum et datum apud Aukeland xii kal Octobris anno gratie MCCLXXXIII et consecrationis nostre anno primo