Charter Document - 06460002
| Charter Number: | 06460002 |
|---|---|
| Cartulary Title: | The Records of Antony Bek. Bishop and Patriarch 1283-1311 |
| Charter Language: | Latin |
| Charter Origin: | Religious |
| Charter Type(s): | Profession of Obedience |
| Date: | 1284 |
| Date type: | Internal, A.D., Calendar, Feast |
| Resource Link(s): |
Embedded Document |
Charter:
In nomine domini amen Anno ab incarnatione eiusdem MCC Octuagesimo tercio indictione duodecima die dominica proxima post festum epiphanie domini in presencia mei infrascripti notarii et testium suprascriptorum a venerabili patre domino Willelmo dei gracia Eboracensi archiepiscopo Anglie primate venerabilis pater dominus Thomas eadem gracia Menevensis Episcopus dominum Antonium Bek electum Dunelmensem ibidem presentem et ab eodem domino archiepiscopo electioni de se factam quam idem dominus archiepiscopus canonicam reputavit prius confirmatum nomine cleri et populi dioecesis Dunelmensis in episcopum Dunelmensis ecclesie devote et humiliter pectit consecrari Qua petitione facta dominus archiepiscopus supradictus ab electo predicto articulos fidei cum ceteris articulis in officio huiusmodi consuetis solicitando quesivit qui in omnibus articulis huiusmodi dicto domino archiepiscopo satisfaciens et professionem in scriptis ore suo proprio legens ac sua manu subscribens eandem professionem in scriptis factam et lectam osculata manu dicti domini archiepiscopi in magno altari beati Petri reverenter obtulit et devote ipsiusque professionis in scriptis redacte tenor talis est [] Quibus ita expeditis invocata Spiritus sancti gracia et letania cum sollempnitate reverenda decantata venerabilis pater dominus archiepiscopus supradictus predictum ut predicitur electum in episcopum ecclesie Dunelmensis illico consecravit Act in ecclesia beati Petri Eboraci anno die et indictione predictis presentibus serenissimo principe domino Edwardo dei gracia illustri Rege Anglie domino Olivero dei gracia episcopo Lincolniensi domino Roberto eadem gracia episcopo Wellensi domino Johanne eadem gracia episcopo Wintoniensi domino Willelmo eadem Dei gracia episcopo Norwicensi domino Radulpho eadem gracia episcopo Karliolensi et domino Henrico eadem gracia episcopo Candide Case cum comitibus baronibus et aliis in multitudine copiosa testibus in hoc facto convocatis Et ego Guillelmus de Somerdeby clericus Lyncolniensis dioecesis auctoritate sacrosancte sedis apostolice publicus notarius premissis interfui scripsi publicavi et signum meum consuetum apposui rogatus
Markups
Names Markup:
In nomine domini amen Anno ab incarnatione eiusdem MCC Octuagesimo tercio indictione duodecima die dominica proxima post festum epiphanie domini in presencia mei infrascripti notarii et testium suprascriptorum a venerabili patre domino Willelmo dei gracia Eboracensi archiepiscopo Anglie primate venerabilis pater dominus Thomas eadem gracia Menevensis Episcopus dominum Antonium Bek electum Dunelmensem ibidem presentem et ab eodem domino archiepiscopo electioni de se factam quam idem dominus archiepiscopus canonicam reputavit prius confirmatum nomine cleri et populi dioecesis Dunelmensis in episcopum Dunelmensis ecclesie devote et humiliter pectit consecrari Qua petitione facta dominus archiepiscopus supradictus ab electo predicto articulos fidei cum ceteris articulis in officio huiusmodi consuetis solicitando quesivit qui in omnibus articulis huiusmodi dicto domino archiepiscopo satisfaciens et professionem in scriptis ore suo proprio legens ac sua manu subscribens eandem professionem in scriptis factam et lectam osculata manu dicti domini archiepiscopi in magno altari beati Petri reverenter obtulit et devote ipsiusque professionis in scriptis redacte tenor talis est []embed Quibus ita expeditis invocata Spiritus sancti gracia et letania cum sollempnitate reverenda decantata venerabilis pater dominus archiepiscopus supradictus predictum ut predicitur electum in episcopum ecclesie Dunelmensis illico consecravit Act in ecclesia beati Petri Eboraci anno die et indictione predictis presentibus serenissimo principe domino Edwardo dei gracia illustri Rege Anglie domino Olivero dei gracia episcopo Lincolniensi domino Roberto eadem gracia episcopo Wellensi domino Johanne eadem gracia episcopo Wintoniensi domino Willelmo eadem Dei gracia episcopo Norwicensi domino Radulpho eadem gracia episcopo Karliolensi et domino Henrico eadem gracia episcopo Candide Case cum comitibus baronibus et aliis in multitudine copiosa testibus in hoc facto convocatis Et ego Guillelmus de Somerdeby clericus Lyncolniensis dioecesis auctoritate sacrosancte sedis apostolice publicus notarius premissis interfui scripsi publicavi et signum meum consuetum apposui rogatus