Charter Document - 06450002
| Charter Number: | 06450002 |
|---|---|
| Cartulary Title: | Eight Twelfth-Century Charters from the Norman Abbey of Saint-Étienne de Caen |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1147 |
| Date type: | Assigned |
| Resource Link(s): |
|
Charter:
H[ugo] Dei gratia Rothomagensis archiepiscopus karissimis filiis suis episcopis abbatibus et universis sancte ecclesie prelatis per Normanniam constitutis salutem gratiam et benedictionem Ea que rata diu et inconcussa stabilitate volumus permanere litterarum solemus munimentis commendare ne valeant in posterum aut oblivione dampnose subtrahi aut perversorum vexatione contentiose perturbari Orta est contentio inter canonicos Baiocenses et monachos Cadomenses Sancti Stephani de processionibus quarundam parochiarum monachorum que in festis diebus Pentecosten ad ecclesiaam ipsorum pretermissa matre ecclesia Baiocensi solemniter conveniebant Ex mandato igitur domini pape auditis utriusque partis rationibus per compositionem que subscripta est finem cause imposuimus Monachis quidem concesse sunt ab episcopo Baiocensi Phillippo et ab omni capitulo trium villarum suarum processiones videlicet de Ceus et de Itio cum capella de Brachio et de Alemannia cum duabus ecclesiis suis Pro hac autem concessione dederunt monachi Baiocensis ecclesie canonicis in recompensationem duas mansuras terre infra muros civitatis Baiocensis in perpetuum possidendas mansuram scilicet que Roberti Bosselli fuit libere in dominio possidendam et alteram que fuit Rogeri Sailutre ita ut heredes ipsius Rogeri teneant eam de canonicis Ecclesia vero sancti Nicolai de burgo Sancti Stephani et ecclesia de Vileirs et cetere omnes quas habent in episcopatu Baiocensi preter illas supradictas cum processionibus suis in sollemnitate Pentecosten singulis annis ad suam matrem ecclesiam Baiocensem convenient salva integritate possessionum suarum quas habent monachi tam in ecclesiis quam in terris suis Hanc autem compositionem que in presentia nostra et fratrum nostrorum episcoporum Philippi Baiocensis et Rotrodi Ebroicensis Roberti Fontanetensis abbatis Vincentii Conchensis abbatis et aliorum multorum clericorum et monachorum facta est sub sigillo nostro auctoritate presentis scripti pagine communimus