Charter Document - 06430034
| Charter Number: | 06430034 |
|---|---|
| Cartulary Title: | Cartulaire de Saint-Michel-de-l'Abbayette, prieuré de l'abbaye du Mont-Saint-Michel (997-1424) |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1245 |
| Date type: | Internal, A.D., Feast |
| Resource Link(s): |
|
Charter:
Universis presentes litteras inspecturis Guillelmus de Exclusa miles salutem in Domino Sciant omnes tam presentes quam futuri quod ego Guillelmus de Exclusa miles dedi et concessi in puram et perpetuam elemosinam Deo et monasterio Sancti Michaelis de periculo maris et monachis ibidem Deo servientibus absque ulla reclamatione a me vel heredibus meis quoddam pratum quod habebam juxta nemus eorundem de Abbatiola quod vocabatur pratum Bordon ad faciendum ibi quoddam stagnum Dedi etiam et concessi quod possint jungere calceatam stagni sui in feodo hominum meorum de Alba Landa juxta petrariam dictorum hominum Poterunt et monachi facere stagnum suum redundare in terra mea et hominum meorum usque ad aquam que venit de molendino eorum de Abbatiola Hanc autem donationem et elemosinam dictis monachis ego et heredes mei contra omnes homines quorum jus dictabit garantizare tenemus in cujus rei testimonium dictis monachis dedi litteras sigilli mei sigillatas ad majorem autem confirmationem obtinendam sigillum curie Cenomanensis presentibus litteris apponi precarii Datum die lune post festum beatissimi Juliani anno Domini MCCXLV