Charter Document - 06430026
| Charter Number: | 06430026 |
|---|---|
| Cartulary Title: | Cartulaire de Saint-Michel-de-l'Abbayette, prieuré de l'abbaye du Mont-Saint-Michel (997-1424) |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1219 |
| Date type: | Internal, A.D. |
| Resource Link(s): |
|
Charter:
Universis Christi fidelibus presentes litteras inspecturis Johannes Dei gratia Dolensis episcopus et [] prior Veteris Ville salutem in Domino Ad vestram volumus noticiam pervenire quod cum causa que vertebatur inter [] abbatem et conventum Sancti Michaelis de periculo maris ex una parte et Johannem presbiterum de Censiva ex altera super capella de Censiva fuisset nobis a summo pontifice Honorio tercio delegata partibus in nostra presentia constitutis [] predictus presbiter in jure confessus fuit coram nobis quod habebat et tenebat predictam capellam de Censiva a predictis [] abbate et monachis nec alicui alii super dicta capella se unquam advocavit nec unquam quamdiu vixerit advocabit Quod ut ratum et firmum in posterum auctoritate apostolica habeatur presentibus litteris sigilla nostra duximus apponenda Datum anno Domini MCC nono decimo Valete