Charter Document - 06430020
| Charter Number: | 06430020 |
|---|---|
| Cartulary Title: | Cartulaire de Saint-Michel-de-l'Abbayette, prieuré de l'abbaye du Mont-Saint-Michel (997-1424) |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1191 - 1212 |
| Date type: | Assigned |
| Resource Link(s): |
|
Charter:
Universis Christi fidelibus ad quos presens scriptum pervenerit Radulfus de Gorram salutem in Domino Noverit universitas vestra quod ego pro salute anime mee et heredum meorum dono et concedo et presenti carta confirmo ecclesie beati Michaelis de periculo maris et monachis ibidem Deo servientibus omnes elemosinas quas antecessores mei pro salute animarum suarum prefate ecclesie contulerunt easdemque elemosinas propriis exprimens nominibus ecclesiam videlicet Beati Bertvini cum omnibus pertinentiis suis cum capella castelli mei de Taoneria et plateam cum orto et area terre ad unum hospitem hospitandum liberam et quietam ab omnibus servitiis et consuetudinibus ad faciendam voluntatem abbatis et conventus cum legali communitate quam homines mei habent per totam terram meam et decimam census hominum meorum et decimam omnium que ad me pertinent in foro et nundinis de Taonaria et decimam omnium redituum foreste mee de Haya Mainard et decimam molendinorum meorum et furnorum in Taonaria et Megaudes et Livare constitutorum et decimam Livare cum decimis et pertinentiis suis cum toto tenemento quod Gauterius Foucher tenuit de abbate in Livare Licebit etiam priori de Villarenton singulis annis habere duodecim porcos cum nutritura eorum infra annum in foresta mea quittos a pasnagio et de aliis porcis qui fuerint in foresta illa habebit idem prior decimam pasnagii In his autem omnibus nichil mihi vel heredibus meis retinui preter orationes ecclesie Beati Michaelis archangeli Quod ut ratum permaneat et inconcussum presens scriptum sigillo curie Cenomannensis et sigillo domini Juhelli de Meduana et meo assensu fratris mei feci roborari Actum tempore Jordanis abbatis et Alexandri prioris Testibus Henrico de Gorram clerico Roberto de Landevi Raginaldo de Bosco Berengarii militibus Mattheo de Forges armigero Radulfo tunc priore de Villarenton et multis aliis