Charter Document - 06430018
| Charter Number: | 06430018 |
|---|---|
| Cartulary Title: | Cartulaire de Saint-Michel-de-l'Abbayette, prieuré de l'abbaye du Mont-Saint-Michel (997-1424) |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1200 |
| Date type: | Assigned |
| Resource Link(s): |
Reference Document for this Embedded Document |
Charter:
Universis Christi fidelibus presentem paginam audituris Philippus de Landavico salutem Noverit universitas vestra quod Gaufridus Forrel et David Forrel dederunt in elemosinam quicquid habebant in decima parochie sancti Dionisii capellarie de Censiva per xxx solidos quos Robertus de Landavico eis dedit Preterea Stephanus Burrel quicquid habebat in decima parochie sancti Dionisii eidem capellarie contulit per decem libras Cenomannensium quas Robertus de Landevi et Johannes presbiter de Placeio eidem Stephano dederunt Has omnes decimas dicte capellarie concessi et servicium equi quod in eis capiebam quietavi Michael vero de Sancto Dionisio dedit dicte capellarie de Censiva hoc quod habebat in decima del Boisberengier per lxx solidos Cenomannensium quos predictus Johannes presbiter ei dedit et Robertus de Capella dedit dicte capellarie burdesiam Hamelini Coupei pro anima Hueconis fratris sui Et ego Philippus dono et concedo presbytero de Censiva pasturam animalibus ejus in terra mea de Censiva et Fromondus de Villa Anscier donat et concedit presbitero de Censiva molere bladum suum in molendino suo sine moltura post illud quod inveniet in trimodia Quod ut ratum habeatur in posterum sigilli mei munimine roboravi Testibus his Roberto de Landevi Gallero presbitero Sancti Dionisii Roberto de Capella et pluribus aliis