Charter Document - 06430015
| Charter Number: | 06430015 |
|---|---|
| Cartulary Title: | Cartulaire de Saint-Michel-de-l'Abbayette, prieuré de l'abbaye du Mont-Saint-Michel (997-1424) |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1180 |
| Date type: | Assigned |
| Resource Link(s): |
|
Charter:
Willelmus Dei gratia Cenomannensis episcopus universis fidelibus salutem Nos intelligentes quod veritas sub scripti auctoritate tutior debet conservari notum fieri curavimus quod cum inter nos et Robertum abbatem et monachos Sancti Michaelis de Monte in periculo maris super jure patronatus ecclesie Sancti Bertevini contentio verteretur cumque monachi illi ad probandum que intendebant minus idonea instrumenta attulissent nos tali defectu corum et in partem nostrum providi ores jus illud nobis vendicavimus Tandem nos accusante conscientia ad nos revertentes intellecto quod misericordia superexaltat judicium jus illud patronatus quod in predicta ecclesia Sancti Bertevini nobis vendicare intendebamus eis dimisimus eos ab illa impeticione nostra in perpetuum absolventes et jus patronatus quod in ecclesia illa postulabant auctoritate nostra et assensu Nicholai decani ecclesie Cenomannensis in cujus archidiaconatu ecclesia illa est et Raginaudi de Asneriis illius terre archipresbiteri eis confirmantes Prenominati vero monachi hoc a nobis gratum recipientes concesserunt se singulis annis anniversarium nostrum sicut abbatis eorum solemniter in perpetuum celebraturos et panem et vinum et generale et quicquid victus eadem die uni monacho illius abbatie dabitur uni pauperi pro nobis eadem die misericorditer largiturus Quod ut fidelius conservetur in litteris annotari et sigillo nostro fecimus communiri Huis facto interfuerunt Raginaudus precentor ecclesie Beati Juliani Mauricius archidiaconus Willelmus archidiaconus Esgaretus capellanus magister Ernaudus Paganus Verron magister Richardus Abrincensis Petrus de Ponte