Charter Document - 06430007
| Charter Number: | 06430007 |
|---|---|
| Cartulary Title: | Cartulaire de Saint-Michel-de-l'Abbayette, prieuré de l'abbaye du Mont-Saint-Michel (997-1424) |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1100 |
| Date type: | Assigned |
| Resource Link(s): |
SCRIPTA - Base des actes normands médiévaux |
Charter:
Ego Gauffredus Rivuallonis filius cupiens sancti archangeli Michaelis juvari meritis et intercessionibus sibi ac suis monachis perpetuo in monte qui Tumba nuncupatur Christo famulantibus ex mihi a Deo contraditis facultatibus do ecclesiam de Livarei cum tota decima omnibusque suis aliis reditibus qui mei juris fore noscuntur et terram ad duo aratra eam sufficienter excol entia Addo tres soli areas ad trium burgensium domos faciendas qui Sancti Michaelis cum eorum consuetudinibus sint Concedo etiam pascua omnium silvarum mearum ad solummodo proprios eorundem monachorum porcos alendos absque ulla calumpnia et contradictione Hoc autem ideo eidem beato Michaeli archangelo ac sibi famulantibus concessi quia eorum societatem tali conventione accepi ut cum sorte omnium mortalium hominum exiero corpus meum huc deferatur atque ab eis sepeliatur atque deinceps uti pro eorum fratre de me agatur Si autem Superno Opifici placuerit ut ego ante uxorem moriar omnem meam partem substantie mee do et concedo Quod et de uxore mea itidem fieri volo Testes autem hujus mee donationis extant Radulfus Gauffredus de Colombiers Hamelinus Rotgerius filius Adelardi Harduinus de Lassala Rotgerius clericus Alfredus Botzart