Charter Document - 06430004
| Charter Number: | 06430004 |
|---|---|
| Cartulary Title: | Cartulaire de Saint-Michel-de-l'Abbayette, prieuré de l'abbaye du Mont-Saint-Michel (997-1424) |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1033 - 1048 |
| Date type: | Assigned |
| Resource Link(s): |
SCRIPTA - Base des actes normands médiévaux |
Charter:
Notum sit omnibus veram sancte Trinitatis fidem colentibus Odonem quendam virum Cenomannensem cum propria uxore quondam sancti Michaelis adesse limina ac fratribus ejusdem sancte ecclesie sedule Deo famulantibus quandam obtulisse donationem Deliberatione namque habita quinque vinearum aripenna presente Suppone ejusdem loci abbate cum ceteris monachis predicte ecclesie jam dictus vir cum uxore propria pro suorum peccaminum solutione ac spirituum requie mente devota contulit Hoc quoque decrevit ea fieri conditione ut fratrum ibidem famulantium Deo in orationibus utique facti participes quamdiu adviverent terciam partem suarum omnium vinearum Sancti Michaelis monachis per unum quemque mitterent annum Dum autem corum alter vite presentis sortitus occasum fuerit qui superstes extiterit juxta sponsionem suam predictis fratribus totius vini medietatem committet At vero postquam uterque defunctus fuerit in jus sancti Michaelis ad usus fratrum eidem archangelo servientium omnes prefate vinee sortes pariter cedent Hanc igitur donationem predictus vir Odo scilicet cum uxore sua Hersendi nomine super aram Sancti Archangeli scriptam deposuit ipsius loci abbate Suppone presente cum ceteris monachis eamque manu sua propria crucis signo firmavit Hanc igitur oblationem sancto huic loco devote traditam si quis subtrahendo aliquatenus violare presumpserit a celesti patria seclusus et a sanctorum omnium collegio perpetue segregatus Diabolo ejusque sociis commissus in perpetuis gehenne mittatur ignibus ubi per infinita tempora crucietur Amen