Charter Document - 06430001

In nomine sancte et individue Trinitatis Patris et Filii et Spiritus Sancti Predecessorum patrum auctoritate decretum traditumque est ut si quis suarum quiddam facultatum cuilibet sanctorum loco sue pro remedio anime donaverit seu quolibet cumque modo tradiderit ut perpetualiter ab omnium succedentium calumniatione inconvulsa incontaminataque ipsa donatio seu traditio perseveret exinde auctoritatis testamentum sollempniter faciat Quocirca ego Ivo notum volo esse omnibus tam presentibus quam futuris quod monachi Sancti Michaelis Mainardus videlicet abba ceterique fratres sub eo degentes me adientes postulaverunt ut terram quam mei antecessores pro suarum salute animarum jam olim loco ejusdem Sancti Michaelis donaverant sed irruente Normannorum infestatione locus ipse per multorum curricula annorum amiserat eidem loco fratribusque ibi Deo sanctoque archangelo servientibus et pro eorum necnon etiam pro meorum remissione peccaminum redderem Quorum petitionibus pulsatus multoties adquievi tandem conpensans quam felix foret commercium pro terrenis celestia pro temporalibus mercari permansura quid etiam divina suadeat sententia que nos amicos facere precipit de iniquitatis mamona qui nos in eterna recipiant tabernacula et quoniam sicut ignis aqua sic elemosina extinguitur peccatum atque illic nostros recondere thesauros ubi eos neque erugo neque tinea deteret Hujuscemodi igitur et aliis hortamentis submotus meorum reminiscendo peccaminum nimiumque pertimescendo mortis perpetue exitum gaudiique celestis tota aviditate mentis concupiscendo contubernium reddidi predicto loco atque fratribus ibi semper Deo sanctoque Michaeli servientibus cum consensu et volontate meorum parentum duarum videlicet sororum mearum Billehendis atque Erenburgis necnon duorum avunculorum Seinfredi episcopi et Guillelmi atque cognatorum Guillelmi clerici Roberti Sutsardi rursusque Guillelmi laici predictam terram villas scilicet VIII nuncupatas his vocabulis Villa Arunton Cantapia Val Andrein Lacerins Montgulfon Cardun Larcellosa Genet sitas in territorio Cinnomannico in confinio Abricatensis regionis reddidi quippe et tradidi eis pro salute anime mee atque patris mei Fulconii et matris mee Rothais et omnium meorum parentum perpetualiter possidendas cum terris cultis et incultis cum silvis cum aquis et cum omnibus ipsis predictis villis appendiciis ea lege atque tenore ut habeant teneant possideantque eas omni tempore absque omnium parentum meorum seu quorumcumque calumniatione et contradictione successorum Quod si quis hujuscemodi testamentum diabolice pravitatis stimulatus aculeis effringere atque contaminare voluerit Dei omnipotentis virtute sanctique Michaelis cui injuriam facere presumpserit atque omnium sanctorum anathematizetur perenniter Ut autem hujus nostre redditionis auctoritas verius credatur et diligentius conservetur per omnia firmiusque futuris temporibus teneatur manu propria subter firmavimus Actum Castro Fraternensi IIII idus octobris regnante Rotberto rege Francorum Hugolinus sig Ego Ivo firmavi sig Vuillelmus clericus sig Gosbertus sig Gerardus sig Herveius sig Ingelrammus sig Vuillelmus sig Rotbertus sig Vualterius sig Goiscelinus sig Hugonis comitis sig Tetscelinus sig Radulfi vicecomitis sig Vualterus sig Isaac sig Lambertus clericus sig Droco sig Tetscelinus sig Harduini sig Goiscelinus sig Haimonis sig Mainardi sig Siginfredus episcopus Vuillelmi sig Guarnerius sig Hodonis tesaurarii sig Hingelbertus sig Huberti sig Harman sig Huberti clerici sig Erchengerius sig Haimelini sig Hugolinus Mori sig Hugolini sig Framengerius sig