Charter Document - 06410243
| Charter Number: | 06410243 |
|---|---|
| Cartulary Title: | Chartes de l'Abbaye de Jumièges (v. 825 à 1204) |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1200 |
| Date type: | Assigned |
| Resource Link(s): |
SCRIPTA - Base des actes normands médiévaux |
Charter:
Noverint universi ad quos presentes littere pervenerint quod ego Willelmus Belnai dedi et concessi in liberam et perpetuam elemosinam divine pietatis intuitu pro salute anime mee et antecessorum meorum assensu et voluntate Anfride matris mee et Rogeri Malart mariti[s] sui vitrici mei Deo et monasterio et monachis Sancti Petri Gemmeticensis ad usum elemosine pauperum quicquid habebam et habere debebam et habiturus eram in molendino Teffrei quod est in villa Sancti Medardi et in prato quod est inter predictum molendinum et molendinum monachorum ex utraque parte scilicet sextam partem illius molendini et omnium proventuum cum pertinentiis ejusdem quam portionem predicti molendini et predicti prati prenominata Anfrida mater mea tenebat de abbate et monachis Gemmeticensibus jure hereditario et eandem portionem predicti molendini cum prato predicto ipsa mater mea mihi heredi suo libere dederat et quiete assensu et voluntate memorati Rogeri viri sui Ut igitur hec mea donatio et concessio perpetuam obtineat firmitatem et prorsus in posterum tollatur occasio malignandi eam presenti carta sigillo meo consignata confirmare curavi Factum est autem hoc in curia domini archiepiscopi Rothomagensis coram Radulfo filio Giroldi tunc ejus officiali et ibidem tactis sacrosanctis evangeliis juravi quod non quam de cetero aliquid in predicta portione predicti molendini nec in ipso molendino nec in ipso prato clamarem et quod pro posse meo predictum pratum et portionem sepe dictam molendini sepe dicti prefatis abbati et monachis contra omnes gaurantizabo Testibus Roberto decano Sancti Salvatoris Rothomagensis Willelmo Orselin Giraldo de Tauquevilla Toroudo de Hauvilla Radulfo de Insula Ricardo Pica Ricardo capellano Radulfi filii Giroldi Nicholao de Kalenda Roberto filio Gaufridi de Mesnillo magistro Herberto de Andeli canonico Rothomagensi magistro Helia de Vilevilla et aliis
Source (click image below to view full size)
