Charter Document - 06410238
| Charter Number: | 06410238 |
|---|---|
| Cartulary Title: | Chartes de l'Abbaye de Jumièges (v. 825 à 1204) |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1203 |
| Date type: | Internal, A.D. |
| Resource Link(s): |
SCRIPTA - Base des actes normands médiévaux Archives départementales de Seine-Maritime - 9 H 746/1 |
Charter:
Notum sit presentibus et futuris hujusmodi escambium factum fuisse ab Alexandro abbate Gemeticensi cum assensu monachorum Gemeticensium ex una parte et ex alia parte ab Ernesio clerico Terram quam habebat apud Crotas quam frater suus Girelmus maior natu libere et quiete in presentia prefati abbatis et totius parochie Crotarum ei dederat assensu et voluntate Azhonis participis sui prefato abbati et monachis dedit omnia dictus E[rnesius] libere et quiete in perpetuam hereditatem per escambium quatuor acrarum terre quas predictus abbas et monachi jam dicto E[rnesio] et cuicumque illas post decessum suum dare voluerit per redditum sex nummorum usualis monete ad festum sancti Michaelis reddendum apud Vetus Vernolium in perpetuam hereditatem libere et quiete possidendas dederunt inter terram Willelmi Pincegwerre et vetus fossatum et de propinquiore juxta idem fossatum donec quatuor acre compleantur Terra autem quam ipse monachis dedit hec est in masura et gardino et prato et arabili terra medietas terre quam Azho filius Rogeri tenuerat fundum vallis Et ut hoc firmum et stabile et inconcussum et perpetuum teneatur ego jamdictus Alexander abbas et presentis cirographi circumscriptione et sigilli mei appositione roboravi et jam dictus E[rnesius] sigillo communie Vernolii roborari fecit Actum est hoc anno ab incarnatione Domini MCCII mense februario apud Crutas Testibus Petro presbitero Willelmo Butin Roberto preposito Matheo de Crutis Bodardo de Vernolio Rogero Britone Gaufrido de Montinii et multis aliis
Source (click image below to view full size)
